Congress Aap Alliance News : काँग्रेसला दिल्लीतील तीन जागा देऊन 'आप'ने नेमकं काय मिळवलं?

Congres Aap News : राजधानी दिल्लीतील लोकसभेच्या जागांवर आम आदमी पार्टी आणि काँग्रेसमध्ये अखेर समेट घडले आहे. आम आदमी पार्टी दिल्लीत लोकसभेच्या 4 जागा, तर काँग्रेस 3 जागांवर निवडणूक लढवणार असल्याचे समजत आहे. या समेटमध्ये काही बाबींवर दोन्ही पक्षांमध्ये सहमती घडल्याचे सांगितले जात आहे. हरियाणा, गोवा आणि गुजरातमधील स्थानिक आणि विधानसभेतील जागांवर दोन्ही पक्षांमध्ये चर्चा झाल्याची माहिती आहे. (Congress Aap Alliance)

यामध्ये पंजाबबाबत दोन्ही पक्षांमध्ये एकमत होऊ शकले नाही. या राज्यात आम्ही सर्व जागांवर लढू, असे आम आदमी पक्ष आणि काँग्रेसचे म्हणणे आहे. मात्र, हरियाणा, गोवा आणि गुजरातमध्ये 'आप'चा काँग्रेससोबत 'राजकीय समझोता' झाल्यास तो अरविंद केजरीवाल यांच्या पक्षासाठी फायदेशीर ठरणार आहे.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

हरियाणात आत्तापर्यंत 'आप'ला राजकीय अपेक्षित असं राजकीय स्थान मिळालेलं नाही. स्थानिक निवडणुकांमध्ये काही ठिकाणी 'आप'ला तुरळक यश नक्कीच मिळाले, पण विधानसभा किंवा लोकसभा निवडणुकात (लोकसभा) फार यश मिळाले नाही, तर गुजरातमध्ये भाजपनंतर काँग्रेसच मोठा पक्ष ठरला आहे. अशा स्थितीत आम आदमी पक्षाला काँग्रेसच्या पाठिंब्याने काही जागांवर उमेदवार उभे करण्याची संधी मिळाली, तर 'आप'ला राष्ट्रीय स्तरावरील विस्ताराच्या दिशेने मोठे यश नक्कीच मिळेल. आम आदमी पक्षाने मुख्यत: गोव्यात काँग्रेसच्या साथीने राजकीय अस्तित्व शोधण्याची तयारी केली आहे. (Latest Marathi News)

चंदीगडबाबतही दोन्ही पक्षांत सहमती झाली आहे. या जागेवरून आम आदमी पक्षाचा उमेदवार उभा राहणार असून, त्याला काँग्रेसचा (Congress) पाठिंबा राहणार आहे. दोन्ही पक्षांतील सहमतीनुसार काँग्रेसला पूर्व दिल्ली, चांदनी चौक आणि उत्तर पूर्व दिल्ली या जागा मिळाल्या आहेत. विशेष म्हणजे आम आदमी पक्ष जो आधी काँग्रेसला फक्त एक जागा देण्यावर ठाम होता. मात्र, इतर राज्यांतील समीकरणामुळे आप आता काहीशी मवाळ झाली आहे.

(Latest Political News)

R