Petrol-Diesel Price : केंद्र सरकारने घेतला 'हा' मोठा निर्णय! , आता पेट्रोल-डिझेलच्या किंमती वाढणार?

Excise duty hike : केंद्र सरकारने पेट्रोल आणि डिझेलरील एक्साइज ड्युटीवर दोन रुपये प्रतिलिटरची वाढ आजपासून केली आहे. याबाबत केंद्रीय उत्पादन शुल्क विभागाचे सचीव धीरज शर्मा यांनी नोटीसही जारी केली आहे. हा आदेश उद्यापासून म्हणजेच ८ एप्रिल पासून लागू होईल. पण दिलासादायक बाब म्हणजे सरकारचे म्हणणे आहे की या वाढीचा परिणाम ग्राहकांवर होणार नाही.

एका अधिकृत आदेशानुसार सरकारने सोमवारी पेट्रोल आणि डिझेलवरील उत्पादन शुल्कात दोन-दोन रुपये प्रति लिटरची वाढ केली आहे. आदेशात सांगण्यात आले आहे की, पेट्रोलवरील उत्पादन शुल्क वाढवून १३ रुपये प्रतिलिटर आणि डिझेलवरील १० रुपये प्रतिलिटर केले गेले आहे.

मात्र आदेशात हे नाही सांगितले गेले की याचा किरकोळ किंमतीवर काय परिणाम होईल. मात्र सरकारचे म्हणणे आहे की किरकोळ किंमतीत बदल होणार नाही. आंतरराष्ट्रीय स्तरावर तेलाच्या किंमतीत घसरण झाल्याने, पट्रोल अन् डिझेलच्या किंमतीत कपातीसोबत वाढलेल्या उत्पादन उत्पादन शुल्कास समायोजित केले जाईल.

सरकारकडून अधिसूचना जारी होताच, पेट्रोल-डिझेलच्या किमतीही वाढणार असल्याच्या चर्चा सुरू झाल्या. मीडियात त्याबाबत बातम्या येऊ लागल्याने, सर्वसामान्यांना याचा फटका बसणार असल्याचे बोलले जात होते. परंतु किरकोळ किमतीवर कोणताही बदल होणार नसल्याचे आता स्पष्ट झाले आहे.

(२५ वर्षे पूर्ण करणारा ई-सकाळ आता का्ॅमस्कोअरमध्ये नंबर १. डिजिटल माध्यमांच्या क्षेत्रातली नवी झेप)

(Edited by - Mayur Ratnaparkhe)