Joseph Vijay: अखेर ठरलं! जोसेफ विजय यांच्या शपथविधीचा मुहूर्त ठरला; तिसऱ्या भेटीनंतर राज्यपालांचा हिरवा कंदील

Joseph Vijay swearing in ceremony as CM of Tamil Nadu: तामिळनाडूच्या सत्तास्थापनेचा पेच अखेर सुटला असून राज्यपाल राजेंद्र अर्लेकर यांनी टीव्हीके प्रमुख जोसेफ विजय यांना सत्तास्थापनेसाठी आमंत्रण दिलं आहे. त्यामुळं त्यांचा सत्तास्थापनेचा मार्ग मोकळा झाला असून मुख्यमंत्रीपदाच्या शपथविधीचा मुहूर्तही ठरला आहे.

उद्याच ९ मे २०२६ रोजी सकाळी ११ वाजता विजय हे तामिळनाडूचे ९ वे मुख्यमंत्री म्हणून शपथ घेणार आहेत. हा सोहळा राजधानी चेन्नईमधील एका स्टेडियमध्ये पार पडणार आहे. या शपथविधी सोहळ्यासाठी काँग्रेस अध्यक्ष मल्लिकार्जुन खर्गे, लोकसभेचे विरोधीपक्ष नेते राहुल गांधी हे दोघेही उपस्थित राहणार आहेत. त्याचबरोबर अभिनेता विजयचे फॅन्सही मोठ्या प्रमाणावर हजेरी लावण्याची शक्यता आहे.