दिल्ली : पूर्व दिल्लीचे भारतीय जनता पक्षाचे खासदार आणि माजी क्रिकेटर गौतम गंभीर यांना पुन्हा एकदा जीवे मारण्याची धमकी मिळाली आहे. इस्लामिक स्टेट ऑफ इराक अॅन्ड सीरिया, कश्मीर या दहशतवादी संघटनेकडून ही धमकी मिळाली आहे. धमकीनंतर गंभीर यांच्या आणि घराच्या सुरक्षेत वाढ करण्यात आली असल्याची माहिती मध्य दिल्लीच्या उपायुक्त श्वेता चौहान यांनी दिली आहे. याआधी ही २०१९ मध्ये एका आंतरराष्ट्रीय फोन नंबरवरुन गौतम गंभीर यांना जीवे मारण्याची धमकी मिळाली होती.
दिल्ली पोलिसांनी दिलेल्या माहितीनुसार, गौतम गंभीरला आयएसआयएस, कश्मीर नावाच्या ईमेल आयडीवरुन हत्येच्या धमकीचा ई-मेल आला आहे. यानंतर गंभीर यांचे खाजगी सचिव गौरव अरोरा यांच्याकडून सेंट्रल दिल्ली पोलिसांना लेखी तक्रार देण्यात आली आहे. गौरव अरोरा यांनी सांगितले की, रात्री ९ वाजून ३२ मिनीटांनी हा धमकीचा मेल मिळाला आहे. यात तुला आणि तुझ्या परिवाराला जीवानिशी मारु असे लिहीण्यात आले आहे. या तक्रारीनंतर गंभीर यांची आणि त्यांच्या कुटुंबीयांची सुरक्षा वाढवण्यात आली आहे.
२०१९ मध्ये मिळाली होती धमकी...
याआधी ही २०१९ मध्ये एका आंतरराष्ट्रीय फोन नंबरवरुन गौतम गंभीर यांना जीवे मारण्याची धमकी मिळाली होती. त्यावेळी गंभीर यांनी दिल्लीतल्या शाहद्रा शहराच्या पोलीस उपायुक्तांना पत्र लिहून या घटनेची तक्रार केली होती. मला आणि माझ्या परिवारातील सदस्यांना आंतरराष्ट्रीय फोन नंबरवरुन सातत्याने हत्येच्या धमक्या येत आहेत. तुम्ही कृपया या प्रकरणात लक्ष घालून तक्रार दाखल करुन घ्या. तसेच मला आणि माझ्या कुटुंबाला सुरक्षा प्रदान करा, अशी विनंती गंभीर यांनी या पत्रात केली होती.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.