Rahul Gandhi Flying Kiss : 'फ्लाईंग किस' करताना काय म्हणाले राहुल गांधी ?

Delhi News : काँग्रेस नेते खासदार राहुल गांधी यांच्या मागे लागलेले शुक्लकाष्ट काही केल्या संपण्याचे नाव घेताना दिसत नाही. मोदी अडनावावरून तब्बल १३७ दिवस रद्द झालेली खासदारकी त्यांना मिळताच राहुल यांना नव्या वादाने घेरले आहे. गांधी यांच्यावर संसदेत महिला सदस्यांकडे पाहत 'फ्लाईंग किस' केल्याचा आरोप केंद्रीय मंत्री स्मृती इराणींनी केला आहे. या गंभीर आरोपानंनतर भाजप-काँग्रेसमध्ये पुन्हा नव्या संघर्षाला सुरूवात झालेली आहे. या प्रकरणी भाजपने रान उठवण्यास सुरू केल्यानंतर काँग्रसनेही आपली बाजू ठासून मांडली आहे. (Latest Political News)

राहुल गांधी यांच्या 'फ्लाइंग किस'वरून लोकसभेत प्रचंड गदारोळ सुरू झालेला आहे. यावर काँग्रसच्या वतीने सांगण्यात आले की, पक्षाचे खासदार सर्वसाधारणपणे कोषागार बाकांकडे हातवारे करत होते. ते कोणत्याही मंत्र्याकडे किंवा सदस्यांकडे निर्देशित नव्हते, विशेषतः महिला खासदार. राहुल गांधींनी 'फ्लाइंग किस' केल्यानंतर निघाले त्यावेळी ते 'बंधू आणि भगिनी' असे म्हटले होते. त्यांनी ते कोणत्याही विशिष्ट मंत्री किंवा खासदाराकडे निर्देशित केले नाही. केंद्रीय मंत्री स्मृती इराणी यांच्याकडे तर अजिबात नाही."

काय म्हणाल्या स्मृती इराणी?

स्मृती इराणी संसदेत बोलताना म्हणाल्या, "मी एक गोष्ट सभागृहातच्या समोर आणत आहे. ज्यांनी माझ्या आधी लोकसभेत भाषण केलं (राहुल गांधी) त्यांनी जाता जाता एका विचित्र लक्षणाची प्रचिती दिली. हे एका पुरूषीवर्चस्ववादी विचार असणाऱ्या व्यक्तिकडून असे वर्तन घडू शकते. त्यांनी संसदेच्या सहा महिलांना 'फ्लाईंग किस' दिल्याचा इशारा केला. अशा प्रकारच्या सभ्यता नसलेल्या वर्तनाला या देशाच्या सभागृहात कधीच पाहिलं गेलं नाही. हे कोणत्या कुटुंबाचे लक्षण आहे, हे आज देशाच्या लक्षात आले."

२२ महिला खासदारांनी तक्रारीचे पत्र

राहुल गांधींच्या फ्लाईंग किसनंतर सत्ताधारी पक्षांतील २२ महिला खासदारांनी लोकसभा सचिवालयात पत्र पाठवले आहे. यामुळे राहुल गांधीना हे प्रकरण राहुल गांधींना भोवण्याची शक्यता आहे. राहुल गांधींवर कारवाईची मागणी होत आहे. सीसीटीव्ही फुटेज तपासून कारवाई करा, अशी भाजप खासदारांची मागणी आहे. 'या बाबतीत तपास करून कारवाई करू, असे सचिवालयातून सांगण्यात आले आहे.

(Edited by Sunil Dhumal)