मायावतींचे 'दलित कार्ड' ; अखिलेश यांना त्यांच्या घरातच घेरणार

लखनैा : उत्तर प्रदेश विधानसभा निवडणुकीत (up assembly) बहुजन समाज पक्षानं (bsp)उमेदवारांच्या दोन याद्या घोषीत केल्या आहेत. यात १८ मागासवर्गीय, १७ दलित तर १५ सवर्ण उमेदवारांचा समावेश आहे. पहिल्या यादीत सहा तर दुसऱ्या यादीत ५३ उमेदवारांना तिकीट दिल्याची घोषणा बसपानं केली आहे. बसपाच्या प्रमुख मायावती (mayawati) यांनी या नावांची घोषणा केली आहे.

बसपा सुप्रीमो मायावती यांनी सपाचे (sp) प्रमुख अखिलेश यादव (akhilesh yadav) आणि शिवपाल सिंह यादव (shivpal yadav) यांना त्यांच्या घरात घेरण्याचा डाव टाकला आहे. या दोन्ही सर्वसामान्य जागांवर दलित उमेदवारांना तिकीट देऊन त्यांना आव्हान दिले आहे. अखिलेश यादव पहिल्यांदाच विधानसभा निवडणुक लढवित आहेत. 2009मध्ये ते कन्नौज लोकसभा मतदार संघातून निवडून आले होते.मायावती (Mayawati) यांनी विधानसभा निवडणूक न लढण्याचा निर्णय घेतला आहे.

बसपाने या विधानसभा निवडणुकीत अखिलेश यांच्या विरोधात डॅा. महेश चंद्र वर्मा यांना रिंगणात उतरवलं आहे. मायावतींचा हा डाव किती मजबूत आहे, हे १० मार्चला निकालानंतर समजेल. करहल आणि जसवंत नगर या दोन्ही जागा सपाच्या पारंपारिक जागा आहेत.

बसपा आणि सपाचा वाद जगजाहीर आहे. त्यानंतरही २०१९ मध्ये लोकसभा निवडणुकीत मायावती यांनी सपा सोबत युती केली होती. पण लोकसभा निवडणुकीनंतर ही युती तुटली. मायावती आता उत्तरप्रदेशात स्वबळावर विधानसभा निवडणुक लढवित आहेत. अखिलेश यादव हे करहल, तर शिवपाल यादव हे जसवंतनगर येथून निवडणुकीच्या रिंगणात आहेत.

बहुजन समाज पक्षानं जाहीर केलेल्या यादीत बहुतांश उमेदवार हे अन्य पक्षातून बसपामध्ये आले आहेत. समाजवादी पार्टीला सोडचिठ्ठी देऊन आलेले कुंदरकीचे आमदार हाजी रिजवान यांना बसपानं कुंदरकीमधूनच निवडणुकीच्या रिंगणात उतरवले आहे. तर सपा सोडून आलेले माजी आमदार मूलचंद चैाहान यांना धामपूर विधानसभेचे तिकीट बसपानं दिलं आहे.

मायावती यांनी गुरुवारी या नावांची घोषणा केली. त्यांनी एकाच दिवसात दुसरी यादी जाहीर केली. यात हाथरस, फिरोजाबाद, कासगंज, एटा, मैमपुरी, फरुर्खाबाद, कन्नौज, इटावा, औरैया, कानपुर ग्रामीण , कानपुर शहर , जालौन, झांसी, ललितपुर, हमीरपुर, महोबा येथील उमेदवारांच्या नावांची घोषणा मायावतींनी केली आहे.