Rahul Gandhi Setback : राहुल गांधींची खासदारकी धोक्यात? अमित शाहांनी रचला चक्रव्यूह; काय होऊ शकते कारवाई?

Rahul Gandhi News: पावसाळी अधिवेशनात विरोधकांनी संसदेचे कामकाज चालू दिले नाही. जंतरमंतरवर झालेल्या आंदोलनातील विद्यार्थ्यांवर पॅलेटगनचा वापर करण्यात आला. त्या विरोधात विरोधी पक्षनेते राहुल गांधी आक्रमक झाले होते.

सार्वजनिक परीक्षा दुरुस्ती विधेयकावरील चर्चेतील त्यांनी गृहमंत्री अमित शाह यांना उद्देशून 'इडियट' शब्दाचा वापर केला.

या विरोधात लोकसभा विशेषाधिकार समितीनी काँग्रेस नेते राहुल गांधींना नोटीस पाठवलीये. गृहमंत्र्यांविरोधात असंसदीय व अवमानकारक भाषा वापरल्याचा राहुल गांधी यांच्यावर आरोप आहे. याप्रकरणी 28 ऑगस्ट 2026 पर्यंत उत्तर आणि स्पष्टीकरण देण्याचे निर्देश देण्यात आले आहे. भाजप खासदार अनुराग ठाकूर यांनी 30 जुलै रोजी विशेषाधिकार भंगाची नोटीस दिली होती.

राहुल गांधींनी आपली बाजु समितीसमोर मांडल्यानंतर त्याची पडताळणी केली जाईल. दरम्यान, राहुल गांधी जर दोषी आढळले तर त्यांचे निलंबन होण्याची शक्यता आहे. तसेच संसदेचा अपमान केल्याचे सिद्ध झाले तर थेट त्यांची खासदारकीही धोक्यात येऊ शकते.

काय कारवाई होणार?

त्यांच्यावरील गैरवर्तनचा आरोप सिद्ध झाला तर त्यांना सभागृहाची माफी मागावी, असे आदेश दिले जातील. त्यांचे वक्तव्य अत्यंत गंभीर आहे, असे समितीचे मत बनले तर त्यांच्या निलंबनाची शिफारस देखील केली जाऊ शकते. तसेच त्यांना सक्त ताकीदही देण्यात येईल. अगदी दुर्मिळ प्रसंगात त्यांची खासदारकी रद्द केली जाऊ शकते. मात्र, राजकीय तज्ज्ञांच्या मते यांची शक्यता फारच कमी आहे.