Rajasthan Assembly Results : भाजपने राजस्थान विधानसभा निवडणुकीत घवघवीत यश मिळवलं आहे. यामुळे आता सत्तास्थापनेसाठी भाजप दावा करणार असून, काँग्रेसला सत्तेतून पायउतार व्हावे लागणार आहे. या पार्श्वभूमीवर राजस्थान भाजपचा प्रमुख चेहरा असेल्या वसुंधरा राजे यांनी प्रसारमाध्यमांना जयपूरमध्ये प्रतिक्रिया दिली.
हा विजय पंतप्रधान मोदींनी दाखवलेल्या विश्वासाचा, आमचे केंद्रीय गृहमंत्री अमित शाह यांच्या रणनीतीचा आहे. हा विजय आमचे राष्ट्रीय अध्यक्ष जे. पी. नड्डा यांच्या कुशल नेतृत्वाचा विजय आहे. याशिवाय सर्वात महत्त्वाचं हेदेखील आहे की, हा विजय आमच्या कार्यकर्त्यांचाही आहे. त्यांचे अथक प्रयत्न, परिश्रमाचा विजय आहे. पंतप्रधान नरेंद्र मोदी यांचे स्वप्न साकार करण्यासाठी त्यांनी दिवसरात्र परिश्रम घेत, अशाप्रकारे विजय मिळवून दिला आहे.
(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)
याचबरोबर सर्वात मोठी गोष्ट म्हणजे हा विजय आमच्या जनतेचा आहे. ज्यांनी काँग्रेसच्या कुशासनास नाकारत, भाजपच्या सुशासनास स्वीकरण्याचं काम केलं आहे. हा विजय २०२४मध्ये मोदींना पुन्हा पंतप्रधान करून देशवासीयांच्या सेवेसाठी संधी देण्यासाठीचा हा विजय आहे.
खरंतर यंदाच्या निवडणुकीत वसुंधरा राजे यांना भाजपकडून फारसं पुढं आणलं जात नव्हतं, शिवाय त्यांच्या बहुतांश समर्थकांनाही उमेदवारी मिळाली नव्हती. त्यामुळे भाजप मुख्यमंत्री पदासाठी वसुंधरा राजे यांच्याव्यतिरिक्त दुसरा चेहरा शोधतोय, अशा चर्चा सुरू होत्या. अर्थात त्याचं उत्तर अद्यापही मिळालेलं नाही.
(Edited by - Mayur Ratnaparkhe)
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.