Nagaland Election Results : नागालँडमध्ये राष्ट्रवादीची हवा; ७ जागांवर दणदणीत विजय

Nagaland Assembly Election Results : देशातील तीन राज्यात विधानसभा निवडणुका पार पडल्या आहेत. मेघालय, नागालँडमधील विधानसभा निवडणुकीसाठी सोमवारी (२७ फेब्रुवारी) मतदान पार झाले होते. नागालँडमध्ये एनडीएचा सहकारी नॅशनल डेमोक्रॅटिक प्रोगेसिव्ह पार्टी (एनडीपीपी) सत्ता राखताना दिसत आहे.

नागालँडमध्ये 37 जागांवर एनडीपीपी आणि भाजप (BJP) आघाडीवर आहे. त्रिपुरामध्ये 36 जागांवर भाजप युती आघाडीवर आहे. मेघालयात एनपीपी 25 जागांवर पुढे आहे. नागालॅंडमध्ये राष्ट्रवादी काँग्रेसलाही (NCP) मोठे यश मिळले आहे. राष्ट्रवादी काँग्रेसने सात जागांवर दणदणीत विजय मिळवला आहे. नागालॅंडमध्ये राष्ट्रवादी काँग्रेसने 12 जागा लढल्या होत्या. त्या पैकी सात जागांवर विजय मिळवला आहे.

27 फेब्रुवारी रोजी नागालँडमधील 16 जिल्ह्यांतील 60 पैकी 59 विधानसभा जागांवर 85. 90% मतदान झाले होते. मागील निवडणुकीच्या तुलनेत 10% अधिक मतदान झाले होते. 2018 मध्ये नागालॅंडमध्ये 75% मतदान झाले होते. 10 फेब्रुवारी रोजी अकुलुटो विधानसभा मतदारसंघातून काँग्रेस (Congress) उमेदवार खेकाशे सुमी यांनी उमेदवारी अर्ज मागे घेतला होता. त्यामुळे भाजपचे उमेदवार काजेतो किनीमी यांची बिनविरोध निवड झाली होती.

नागालँडमध्ये सध्या नॅशनल डेमोक्रॅटिक प्रोग्रेसिव्ह पार्टीची सत्ता आहे. या निवडणुकीत नॅशनल डेमोक्रॅटिक प्रोग्रेसिव्ह पार्टीची आणि भाजपची आघाडी आहे. या निवडणुकीत राष्ट्रवादी काँग्रेसने या निवडणुकीत चांगली कामगिरी केली आहे. दरम्यान, आज इतिहास घडला असून स्वातंत्र्यानंतर तब्बल ६० वर्षांनंतर नागालॅंडच्या विधानसभेत महिला पोचली आहे. नॅशनलिस्ट डेमोक्रॅटिक प्रोग्रेसिव्ह पार्टीच्या (NDPP) हेकानी जाखलू नागालॅंडच्या पहिल्या आमदार ठरल्या आहेत.

ईशान्येकडील नागालँड, त्रिपुरा आणि मेघालय या तीन राज्यांतील निवडणुकीचे निकाल हाती येत आहेत. या तीनही राज्यांतील जनतेचे डोळे निकालाकडे होते. पण, सर्वाधिक नजर नागालँडकडे होती. नागालँड राज्य १९६३ मध्ये अस्तित्वात आले. त्याला ६० वर्षे झाली. पण आजपर्यंत एकही महिला आमदार निवडून आलेली नव्हती. मात्र, हेकानी जाखलू यांनी इतिहास घडवत प्रथमच नागालॅंडच्या विधानसभेत महिला म्हणून पाऊल ठेवले आहे.