kamal haasan News : मोठी बातमी : अभिनेता कमल हासन यांच्या MNM पक्षाचे काँग्रेसमध्ये विलिनीकरण..?

MNM News :‘मक्कल निधी मय्यम’ (MNM) पक्षाचे अध्यक्ष दक्षिणात्य सुपरस्टार, अभिनेता कमल हासन यांनी दोन दिवसापूर्वी काँग्रेसला पाठिंबा देण्याचे जाहीर केले आहे. तामिळनाडू (tamilnadu) मधील पूर्व इरोड या विधानसभा मतदारसंघाचीही निवडणूक होत आहे. या निवडणुकीत काँग्रेस पक्षाच्या उमेदवाराला कमल हासन यांच्या पक्षाने पाठिंबा दिला आहे. (makkal needhi maiam news update)

या पाठिंबानंतर हासन यांचा ‘मक्कल निधी मय्यम’(makkal needhi maiam) पक्षाची वेबसाईट हॅक करण्यात आल्याची माहिती समोर आली आहे. पक्षाच्या टि्वट हॅडलवरुन ही माहिती देण्यात आली आहे.

"काही समाजकंठकांनी आमची बेवसाईट हॅक केली असली तरी आम्ही त्यांच्या अशा धमक्यांना घाबरत नाही, त्यांना सडेतोड उत्तर देऊ," असे पक्षाच्यावतीने सांगण्यात आले.

‘मक्कल निधी मय्यम’ची अधिकृत वेबसाईट हॅक केल्यानंतर त्यावर ‘मक्कल निधी मय्यम’या पक्षाचे काँग्रेसमध्ये ३० जानेवारी रोजी विलिनीकरण करण्यात येणार असल्याचे सांगण्यात आले आहे.

या पोस्टनंतर अनेकांकडून आश्चर्य व्यक्त करण्यात आले आहे. यामुळे पक्षाचे कार्यकर्ते संतापले आहेत. काही काळानंतर ही पोस्ट वेबसाईटवरुन हटविण्यात आली. पक्षाच्या प्रवक्यांनी याबाबत स्पष्टीकरण दिले आहे. काँग्रेसमध्ये पक्षाचे विलिनीकरण होणार ही अफवा असल्याचे पक्षाच्यावतीने सांगण्यात आले.

काही वर्षांपूर्वी कमल हासन यांनी राजकारणात प्रवेश केला होता. त्यांनी ‘मक्कल निधी मय्यम’ (MNM) या पक्षाची स्थापना केली आहे. मात्र २०१९ च्या लोकसभा आणि २०२१ मध्ये झालेल्या विधानसभा निवडणुकीत त्यांच्या पक्षाला सपाटून पराभवाचा सामना करावा लागला आहे.

२०२१ च्या विधानसभा निवडणुकीत याच मतदारसंघातून कमल हासन यांच्या एमएनएम पक्षाने ९००० मते मिळवली होती. ही मते आता काँग्रेसकडे वळती होतील, अशी आशा काँग्रेसला वाटते.

कमल हासन यांची त्यांच्या पक्षातील हुकुमशाही, स्वतःच्या प्रतिमेभोवतीच राजकारण याला कंटाळून पक्षातील अनेक ज्येष्ठ नेते पक्षाला सोडून गेले आहेत. त्यामुळे कमल हासन यांचा काँग्रेससोबत आघाडीचा हा प्रयत्न त्यांच्या पक्षाला तारणार का? हे लवकरच समजेल.