BJP VS Eknath Shinde : दोन नंबरला किंमत नाही, एकनाथ शिंदेंना भाजपने डिवचले; रवींद्र चव्हाण नको नको ते बोलले

Ravindra Chavan News : स्थानिक स्वराज संस्था निवडणुकीच्या पहिल्या टप्प्यात होत असलेल्या नगरपरिषद, नगपंचायत निवडणुकीच्या मतदानाला अवघा एक दिवस बाकी असताना शिवसेना आणि भाजपमधील नेत्यांमधील मतभेद पुन्हा पुढे येताना दिसत आहेत. सांगोल्याचे माजी आमदार शहाजीबापू पाटील यांच्या कार्यालयावर ईडीने छापा मारला आहे. त्यात हिंगोलीत भाजप शिवसेना आमदार एकमेकांच्या विरोधात उभे ठाकले आहेत. त्यातच भाजप प्रदेशाध्यक्ष रवींद्र चव्हाण यांनी केलेल्या नव्या वक्तव्यामुळे महायुतीमध्ये सर्व अलबेल नसल्याची चर्चा आहे.

सांगलीमध्ये प्रचारासाठी सभा घेणाऱ्या रवींद्र चव्हाणांनी एकनाथ शिंदे यांचे नाव न घेता एक नंबर हा एकनंबर असतो. दोन नंबरला काही किंमत नसते, असे वक्तव्य केले. तसेच यासाठी आर आर पाटील यांच्या भाषणाचा संदर्भ दिला. दोन नंबरला काही किंमत नसते, असे चव्हाण यांनी बोलताच कार्यकर्त्यांनी मोठा प्रतिसाद देत टाळ्यांचा कडकडाट केला.

रवींद्र चव्हाण म्हणाले, 'आर आर पाटील आपल्यामध्ये नाहीत. मात्र, ते सभागृहात असताना 2014 मध्ये देवेंद्र फडणवीस मुख्यमंत्री झाल्यानंतर ते आपल्या भाषणात म्हणाले होते की, दोन नंबरला काही किंमत नसते मी नेहमी नंबर एक होण्याचा प्रयत्न केला. चव्हाण पुढे म्हणाले की, आर आर पाटील यांच्या त्या भाषणाचा व्हिडिओ अजुनही व्हायरल होतो. त्यांच्या वक्तव्याचे अनेक साथीदार आहेत.

जो भी है देवाभाऊ...

जो भी है वो देवाभाऊ है, देवाभाऊ सबका भाऊ है. यह आप सब लोगों को जा के बताओ, असे हिंदीत आवाहन देखील भाजप कार्यकर्त्यांना रवींद्र चव्हाण यांनी केले. तसेच राजकारण करताना पंतप्रधान नरेंद्र मोदी यांनी दिलेला मंत्र सबका का साथ सबका विकास आपण लक्षात ठेवायला हवा, असे देखील त्यांनी सांगितले.