1 एप्रिल 2019 पूर्वी नोंदणी केलेल्या वाहनांसाठी HSRP नंबर प्लेट बसवण्याची अंतिम मुदत 30 नोव्हेंबर 2025 पर्यंत वाढवण्यात आली आहे.
याआधी 15 ऑगस्ट ही अंतिम तारीख होती आणि त्यानंतर दंडाची तरतूद होती.
जयंत पाटील यांच्या मागणीवरून हा निर्णय घेण्यात आल्याचे सांगितले जात आहे.
Mumbai News : राज्य शासनाने जुन्या गाड्यांच्या बाबत मोठा निर्णय घेताना HSRP नंबर प्लेट बसवणं अनिवार्य केले होते. त्याप्रामाणे दिनांक 1 एप्रिल 2019 पूर्वी नोंदणी केलेल्या वाहनांना ही नंबर प्लेट बसवण्याचा आदेश दिला होता. ज्याची मुदत शुक्रवारी (ता.15) संपणार होती. यामुळे HSRP नंबर प्लेट न बसवणाऱ्या लाखो वाहनधारकांना दंड लागणार होता. पण आता राज्य सरकारने मोठा निर्णय घेत लाखो वाहनधारकांना दिलासा देणारा निर्णय घेतला आहे. जुन्या वाहनांना आता 30 नोव्हेंबर 2025 पर्यंत HSRP नंबर प्लेट बसवण्यासाठी मुदतवाढ देण्यात आली आहे. तर याबाबत राष्ट्रवादी काँग्रेस शरदचंद्र पवार पक्षाचे नेते जयंत पाटील यांनी मागणी केली होती.
राज्य सरकारने याआधी निर्णय घेत जुन्या वाहनांना उच्च सुरक्षा नोंदणी क्रमांक (HSRP) पाटी बसवणे बंधनकारक केले होते. तर याची मुदत 15 ऑगस्ट 2025 पर्यंत दिली होती. मात्र जुन्या वाहनधारकांकडून याला अल्प प्रतिसाद मिळाल्याचे आता समोर आले आहे. यामुळे उच्च सुरक्षा नोंदणी क्रमांक (एचएसआरपी) पाटी बसविण्याकरिता मुदत वाढ देण्यात आली आहे. याबाबतचे नवे आदेश सरकारने काढले आहेत.
HSRP नंबर प्लेट बसविण्यासाठी परिवहन विभागाच्या http://transport.maharashtra.gov.in या संकेतस्थळावर जाऊन 30 नोव्हेंबर 2025 पर्यंत नोदणी करता येणार आहे. त्यामुळे HSRP नंबर प्लेट काही कारणात्सव न बसवलेल्या लाखो वाहन धारकांना पुन्हा एक संधी मिळाली आहे. या लाखो वाहनधारकांना राज्य सरकारनं दिलेल्या मुदतवाढीत आता एचएसआरपी नंबरप्लेट बसवून घ्यावा लागणार आहेत. आता 30 नोव्हेंबरपर्यंत याची मुदत असेल.
मुदतीनंतर कारवाई होणार
राज्य शासनानं HSRP नंबर प्लेट बाबत नवीन कालमर्यादेचा निर्णय घेतला आहे. आता 30 नोव्हेंबरपर्यंत मुदतवाढ देण्यात आली आहे. त्यामुळे लाखो वाहनधारकांना जवळपास साडे तीन महिन्यांची मुदतवाढ मिळाली आहे. पण आता जे या मुदतीनंतरही एचएसआरपी नंबर प्लेट बसवणार नाहीत. त्यांच्यावर 1 डिसेंबरपासून कारवाई केली जाणार आहे. पण यातून ज्यांनी अपॉइंटमेंट घेतली आहे, ते वाचतील.
जयंत पाटील यांची मागणी
15 ऑगस्ट रोजी याची अंतिम मुदत संपणार असल्याने लाखो वाहन धारकांना दंडाचा फटका बसणार होता. यासाठी राष्ट्रवादी काँग्रेस पार्टी शरदचंद्र पवार पक्षाचे माजी प्रदेशाध्यक्ष जयंत पाटील यांनी मुदतवाढ देण्याची मागणी केली होती. त्याप्रमाणे आता राज्य सरकारने मुदतवाढ जाहीर केली आहे. तर याविषयी जयंत पाटील यांनी, लाखो वाहनधारकांना HSRP नंबरप्लेट बसविण्याची इच्छा आहे. मात्र काही तांत्रिक अडचणींमुळे आणि किचकट प्रक्रियेमुळे ते आतापर्यंत शक्य झालेले नाही. त्यात मोठ्या अडचणी येत आहेत. तर सरकारच्या परिवहन विभागाने दिलेल्या माहितीनुसार राज्यातील सुमारे 70 टक्के जुन्या वाहनांवर HSRP प्लेट्स अद्याप बसवण्यात आलेल्या नाहीत. यामुळे सरसकट कारवाई होण्याची भीती अनेकांनी व्यक्त केली आहे. त्यामुळे सरसकट कारवाई न करता, मुदतवाढ करावी अशी विनंती जयंत पाटील यांनी केली होती.
प्र. 1: HSRP नंबर प्लेट कोणासाठी अनिवार्य आहे?
उ. 1: 1 एप्रिल 2019 पूर्वी नोंदणी केलेल्या सर्व वाहनांसाठी HSRP नंबर प्लेट अनिवार्य आहे.
प्र. 2: आधी अंतिम तारीख कोणती होती?
उ. 2: याआधी अंतिम तारीख 15 ऑगस्ट 2025 होती.
प्र. 3: नवीन अंतिम तारीख कोणती आहे?
उ. 3: नवीन अंतिम तारीख 30 नोव्हेंबर 2025 आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.