पर्यटन मंत्री आदित्य ठाकरे यांच्या ताफ्यातील गाड्यांचा अपघात

सिंधुदुर्ग : शिवसेनेचे (Shivsena) नेते व राज्याचे पर्यटन मंत्री आदित्य ठाकरे (Aditya Thackeray) यांच्या सुरक्षा ताफ्यातील दोन ते तीन गाड्यांना अपघात झाला आहे. खारेपाटण चेक पोस्ट जवळ ही घटना घडली. आदित्य ठाकरे सिंधुदुर्गवरून (Sindhudurg) रत्नागिरीला जात असताना हॉटेल मधुबन या ठिकाणी हा अपघात झाला.

आदित्य ठाकरे यांच्या गाडीच्या मागे या गाड्या असताना, एका गाडीने अचाणक ब्रेक मारला असता. ताफ्यातील दोन ते तीन वाहने एकमेकांवर धडकून अपघात झाला. या अपघातात कोणी जखमी झाले नाही. मात्र, वाहनांचे मोठे नुकसान झाले आहे. आदित्य ठाकरे हे सध्या तीन दिवसांच्या कोकण दौऱ्यावर आहेत.

दरम्यान, कोकणातील रिफायनरी प्रकरणाची चर्चा पुन्हा सुरु झाली आहे. सिंधुदुर्गातील कुडाळमध्ये माध्यमांशी संवाध साधताना शिवसेना रिफायनरी प्रकल्पाबाबत सकारात्मक असल्याचे संकेत आदित्य ठाकरे यांनी दिले होते. नाणार रिफायनरी प्रकल्पाला विरोध होत असल्याने हा प्रकल्प लादणार नाही, अशीच शिवसेनेची भूमिका आहे. यामुळे हा रिफायनरी प्रकल्प कोकणातच दुसरीकडे आणला जाण्याची शक्यता आहे. चांगला प्रकल्प येत असेल तर नागरिकांना विश्वासात आम्ही घेऊन पुढे जाऊ व योग्य तो निर्णय घेऊ, असे आदित्य ठाकरे म्हणाले.

प्रकल्पाबाबत स्थानिकांशी चर्चा करुन त्यांचे म्हणणे मुख्यमंत्र्यांना कळवणार आहे. रिफायनरीमुळे पर्यावरणाला कुठलीही हानी पोहोचणार नाही याचीही काळजी घेऊ, असेही त्यांनी स्पष्ट केले आहे. आदित्य ठाकरे यांच्या वक्तव्याचा सूर हा रिफायनरीबाबत शिवसेना सकारात्मक असल्याचे दिसून येत आहे.