Maharashtra Politics Live Update : अतिवृष्टीची पाहणी करण्यासाठी पालकमंत्री प्रताप सरनाईक धाराशिवला जाणार

बाबा गुजर हे मागील आठ वर्षांपासून जिल्हाध्यक्ष पदावर आहेत. ते शरद पवार गटात असतांना 6 वर्ष जिल्हाध्यक्ष होते. तर पक्षफुटीनंतर 8 वर्ष पदावर राहिलो शिवाय आता प्रकृती खराब असल्यानं आणि दुसर्‍यांना संधी देण्यासाठी राजीनामा देत असल्याचं बाबा गुजर यांनी सांगितल्याची माहिती समोर आली आहे.

धाराशिवमध्ये पावसाने अक्षरश: थैमान घातलं आहे. मुसळधार पावसामुळे जनजीवन विस्कळीत झालं आहे. अशातच आता धाराशिवममधील अतिवृष्टीच्या पार्श्वभूमीवर परिवहन मंत्री तथा धाराशिव जिल्ह्याचे पालकमंत्री श्री. प्रताप सरनाईक उद्या धाराशिव जिल्ह्याच्या दौऱ्यावर जाणार आहेत.

राज्यात गेल्या काही दिवसांपासून पावसाने थैमान घातलं आहे. मराठवाड्यात तर पावसाने रौद्ररूप धारण केलं असून आतापर्यंत झालेल्या अतिवृष्टीमुळे शेतकऱ्यांचं मोठं नुकसान झालं असून या आतापर्यंत 5 जणांना आपला जीव गमवावा लागला आहे. एनडीआरएफच्या पथकांकडून पुराच्या पाण्यात अडकलेल्या नागरिकांना सुरक्षित स्थळी पोहोचवलं जात आहे. अशातच पावसाच्या पाण्यात परंड्यातील वडनेर येथेल एक कुटुंब पाण्यात अडकलं होतं. त्यांना पुरातून बाहेर काढण्यासाठी धाराशिवचे खासदार ओमराजे निंबाळकर हे स्वत: पाण्यात उतरल्याचं पाहायला मिळालं. ओमराजे निंबाळकर यांनी NDRF सोबत केलेल्या बचावकार्याचा व्हिडिओ एक्सवर शेअर करत याबाबतची माहिती दिली आहे. त्यांनी एक्सवर पोस्ट करत वडनेर ता.परंडा येथील नागरिकांचे प्राण वाचविल्याचा मनस्वी आनंद झाल्याचं म्हटलं आहे.

हवामान विभागाने वर्तवलेल्या अंदाजानुसार पुढील 24 तासांत पावसाचा जोर आणखी वाढण्याची शक्यता आहे. त्यामुळे नागरिकांना सतर्कतेचा इशारा देण्यात आला असून गरज असेल तरच घराबाहेर पडण्याचा सल्ला देण्यात आला आहे. आयएमडीने दिलेल्या माहितीनुसार पुढील 24 ते 48 तासांमध्ये मराठवाडा, विदर्भ, पश्चिम महाराष्ट्र, कोकण आणि उत्तर महाराष्ट्र अशा सर्वच विभागांमध्ये जोरदार पावसाची शक्यता असून, या भागात पावसाचा येलो अलर्ट देण्यात आला आहे.