Panji News : ज्ञानपीठ पुरस्कार विजेते कोकणी साहित्यिक दामोदर मावजो यांनी मराठीबाबत केलेल्या वक्तव्यावरुन गोव्यात सध्या वाद सुरु आहे. गोव्याच्या राजभाषा कायद्यात मराठीचा समावेश नको, असे वादग्रस्त विधान कोकणी साहित्यिक मावजो यांनी केले.
यावरुन राज्यात कोकणी विरुद्ध मराठी वादाने तोंड वर काढले आहे. यात आता महाराष्ट्राचे शिक्षणमंत्री दीपक केसरकर (Deepak Kesarkar) यांनी उडी घेतली असून गोमंतकीयांना महत्वाचे आवाहन केले आहे.
ज्ञानपीठ पुरस्कार विजेते दामोदर मावजो यांच्या वक्तवरुन राज्यभरातून संतप्त प्रतिक्रिया समोर आल्या. मावजो यांनी चुकीचे वक्तव्य केल्याचे मत मराठीप्रेमींनी व्यक्त केले आहे. यात आता महाराष्ट्राचे शिक्षणमंत्री दीपक केसरकर यांनी उडी घेतली आहे. गोमंतकीयांनी कोकणी आणि मराठी या दोन्ही भाषांचा सन्मान राखावा.
भाषेवरुन विनाकारण वाद निर्माण करु नये, असे आवाहन मंत्री दीपक केसरकर यांनी केले आहे. मावजो यांच्या वक्तव्याचा राज्यभरातून निषेध केला जात आहे. गोवा (Goa) मराठी अकादमीच्या वतीने म्हापसा येथील छत्रपती शिवाजी महाराजांच्या पुतळ्याजवळ निषेध आंदोलन करण्यात आले.
कोकणी साहित्यिक दामोदर मावजो यांनी मराठीबाबत केलेल्या वक्तव्याचा जाहीर निषेध करतो. मावजो भारतीय भाषांबाबत द्वेष ओकणारे पहिले ज्ञानपीठ विजेते साहित्यक असल्याचे त्यांच्या विधानातून स्पष्ट होते, असे गोवा मराठी अकादमीचे अध्यक्ष अनिल सामंत यांनी म्हटले.
सरकारी कामकाज केवळ कोकणीतूनच व्हावे. यासाठी राजभाषा कायद्यात कोकणीचा समावेश असावा, मराठीचा समावेश असू नये, असे मत मावजो यांनी व्यक्त केले होते.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.