Santosh Bangar Voting Controversy: मतदान करताना शिंदेंच्या आमदारानं व्हिडिओ काढला? महिलेला मतदान कुठे करायचं हे सांगितलं...

Santosh Bangar Voting Video: राज्याचे उपमुख्यमंत्री एकनाथ शिंदे यांचे निकटवर्तीय, शिवसेनेचे आमदार संतोष बांगर यांनी मतदान करातानाचा व्हिडिओ मोबाईल व्दारेशुट केला आहे. बांगर यांनी एव्हीएमचे बटन दाबताना आपण कुठल्या उमेदवाराला मतदान करतोय, याचा व्हिडिओ काढला आहे. हा व्हिडिओ काढताना त्यांचाही समोरुन व्हिडिओ शुट करण्यात आला आहे.

मतदान केंद्रात मोबाईल येण्यास बंदी आहे, मतदान केंद्रात कुठलाही व्हिडिओ काढण्यास मनाई आहे. तरीही बांगर यांनी व्हिडिओ काढला आहे. आमदारानेच मतदान करताना व्हिडिओ काढल्याने त्यांच्यावर निवडणूक आयोग काय कारवाई करणार याकडे विरोधकांचे लक्ष लागले आहे. संतोष बांगर हे हिंगोलीचे आमदार आहेत. यापूर्वी त्यांनी विरोधकांवर अनेकवेळी वादग्रस्त विधानं केले आहे.

हिंगोलीच्या कळमनुरी विधानसभेचे आमदार संतोष बांगर यांनी जिल्हा परिषद प्राथमिक कन्या शाळेवर मतदानाचा हक्क बजावला. येथे शिवसेना- भाजप असा मैत्रीपूर्वी सामना होत आहे. निवडणूक प्रचारात बांगर आणि भाजप आमदारांमध्ये जुपल्याचे आपण पाहिले होते.

बांगर यांनी मतदान केल्यानंतर बाळासाहेब ठाकरे यांचा विजय असो, एकनाथभाई शिंदे आप आगे बढो , हम तुम्हारे साथ है अशा घोषणा दिल्यात. शिवाय मतदान करणाऱ्या महिलेला मतदान कुठे करायच हे सांगून गोपनीयतेचा भंग केला असल्याचा आरोप विरोधकांना केला आहे.

थंडीचा पाढा 11 अंश सेल्सिअस इतका असला तरी मतदारांमध्ये उत्साह पाहायला मिळत आहे. भंडारा जिल्ह्यामध्ये चार नगरपरिषद तर गोंदिया जिल्ह्यामध्ये दोन नगरपरिषद दोन नगरपंचायतीकरता निवडणुकीच्या मतदान सुरू झाले आहे. भंडारा गोंदिया जिल्ह्याचा विचार केला असता या ठिकाणी महायुतीमध्ये संघर्ष पाहायला मिळत आहे.

दुसरीकडे नाना पटोले, प्रफुल पटेल, नरेंद्र भोंडेकर, आणि परिणय फुके यांची प्रतिष्ठापनाला लागली आहे. त्यामुळे आता मतदार राजा कोणाच्या पारड्यात मतदान करणार आहे. हे पाहणं तेवढंच महत्त्वाचं ठरणार आहे.