Maharashtra Budget 2026 Live Update : माजी रेल्वेमंत्री मुकुल रॉय काळाच्या पडद्याआड, वयाच्या 71 व्या वर्षी घेतला अखेरचा श्वास

 माजी रेल्वेमंत्री आणि एकेकाळी तृणमूल काँग्रेसचे नंबर दोनचे नेते मुकुल रॉय यांचे आज पहाटे निधन झाले.

उपमुख्यमंत्री अजित पवार यांच्या विमान अपघात दुर्घटनेची सीबीआय मार्फत चौकशी करण्याची घोषणा मुख्यमंत्री देवेंद्र फडणवीस यांनी केली आहे. तसंच अजितदादांच्या अपघाती मृत्यूमागचे सत्य समोर आलेच पाहिजे, मात्र त्यांचा अपमान होईल, कुटुंबाला त्रास होईल असे कोणीही वागू नये, असंही फडणीवस म्हणाले आहेत.

'महाराष्ट्र विधिमंडळाच्या अधिवेशनात काय होणार? हा प्रश्न आता निरर्थक आहे. कारण ‘उत्तर’ स्पष्ट आहे ते म्हणजे, ‘काहीच होणार नाही.’ लोकसभा, विधानसभा, न्यायालये, निवडणूक आयोग अशा घटनात्मक संस्था टिकवण्याऐवजी मोडीत काढण्यावर ज्या सरकारचा अधिक विश्वास आहे, त्यांच्याकडून संसदीय कार्य चांगल्या प्रकारे चालवले जाईल हे कसे मानायचे?' असा सवाल करत ठाकरेंच्या शिवसेनेचे मुखपत्र असलेल्या सामनामधून महायुती सरकारवर टीका करण्यात आली आहे.

उपमुख्यमंत्री एकनाथ शिंदेंच्या शिवसेनेकडून स्वीकृत नगरसेवक पदासाठी माजी नगरसेवक बालकृष्ण ब्रीद तसेच प्रकाश सुर्वे यांचे चिरंजीव राज प्रकाश सुर्वे यांना संधी दिली जाणार असल्याची माहिती समोर आली आहे.

Maharashtra Budget 2026 : महाराष्ट्राच्या राज्य विधिमंडळाचे अर्थसंकल्पीय अधिवेशन आजपासून सुरू होत आहे. हे अधिवेशन २५ मार्चपर्यंत चालणार आहे. तर ६ मार्च रोजी राज्याचा अर्थसंकल्प सादर केला जाणार आहे. यंदाचा अर्थसंकल्प मुख्यमंत्री देवेंद्र फडणवीस हे सादर करणार आहेत.