एमपीएससी आयोगाच्या अध्यक्षांचा राजीनामा घेऊन फायदा नाही, कारण पेपरफुटीचे प्रकरण घडले तेव्हा, ते विद्यमान अध्यक्ष नव्हते, असं फडणवीस म्हणाले. त्यामुळे त्यांचा राजीनामा घेणं अतार्किक असून तो घेतल्याने काही फायदा होईल, असं मला वाटतं नाही, असं मत फडणवीस यांनी व्यक्त केलं.
मीरा रोडमधील सेव्हन स्केअर शाळेने विद्यार्थ्यांच्या डब्याबाबत केलेल्या आवाहनावरून वाद निर्माण झाला होता. विद्यार्थ्यांनी डब्यामध्ये कांदा, लसूण आणि बटाटा आणू नये, असं आवाहन करण्यात आलं होतं. यासाठी शाळेच्या परिसरात फलकही लावण्यात आला होता. मात्र, मनसेने इशारा दिल्यानंतर शाळेने हा निर्णय मागे घेण्याचा निर्णय घेतला आहे
राज्याचे ओबीसी कल्याण मंत्री अतुल सावे यांचे मोठे बंधू आणि पुतण्याला पैठण तालुक्यातील बिडकीजवळील एका गावात शेतातील रस्त्याच्या वादातून बेदम मारहाण झाल्याची घटना घडली. माझ्या भावाला व पुतण्याला जीवे मारण्याचा प्रयत्न झाला आहे. राॅडने माझ्या पुतण्याला मारण्यात आले आहे. त्याची प्रकृती चिंताजनक असून तो आयसीयूमध्ये आहे. मारहाण करणारे लोक हे गुंड प्रवृत्तीचे आहेत. त्यांच्यावर कठोर कारवाई झाली पाहिजे, असे आदेशच अतुल सावे यांनी पोलिस अधीक्षक व महानिरीक्षकांना दिले आहेत.
मनोज जरांगे पाटील आणि त्यांच्या सहकाऱ्यांनी मराठा आरक्षण आंदोलनाच्या नावाखाली मोठा भ्रष्टाचार केला आहे. त्यांनी अवैध संपत्ती कमावली आहे. जरांगेंच्या विरोधातील पुरावे ईडीकडे दिले आहेत. त्यांचे सहकारी हे वाळूमाफिया आहेत, त्यांनी हजारो कोटी रुपयांचा भ्रष्टाचार केला आहे, असे आरोप मराठा आरक्षण अभ्यासक अजय बारसकर यांनी केले आहेत.
दिशा सालियन मृत्यूप्रकरणी सीबीआयकडून तपास अधिकाऱ्याची नियुक्ती करण्यात आली आहे. उपअधीक्षक पुरण कुमार यांच्याकडे या प्रकरणाच्या तपासाची सूत्रे देण्यात आली आहेत. मुंबई उच्च न्यायालयाच्या आदेशाप्रमाणे दिशा सालियान हिच्या वडिलांचा जबाब नोंदविण्यात येणार आहे. त्यानंतर या प्रकरणाचा तपास करण्यात येणार आहे.
केंद्रीय मंत्री नितीन गडकरी यांनी मुंबई-गोवा महामार्गाच्या कामाला होणाऱ्या विलंबाबद्दल नाराजी व्यक्त केलीय... कामातील या दिरंगाईची लाज वाटत असल्याचे सांगत, आपण या बहुप्रतिक्षित महामार्गाच्या उद्घाटनाला उपस्थित राहणार नसल्याचं त्यांनी स्पष्ट केलं...
नवी मुंबईत गणेश मूर्ती कार्यशाळेचं आयोजन करण्यात आलं होतं.. यावेळी मुख्यमंत्री देवेंद्र फडणवीसांनी शाडूच्या मातीपासून सुंदर अशी गणपती बाप्पाची मूर्ती साकारलीय. यावेळी या कार्यशाळेत पर्यावरणमंत्री पंकजा मुंडेंनीही गणपती बाप्पाची मूर्ती साकारलीय. या कार्यशाळेत हजारो विद्यार्थीही हजर होते त्यांनीही बाप्पाची मूर्ती साकारलीय.. पर्यावरणाशी समतोल राखत सण उत्सव साजरा करण्याचा संदेश देण्यात आलाय.
रायगडच्या पालकमंत्री पदाबाबत भरत गोगावले यांनी मोठं वक्तव्य केलंय... अनिकेत तटकरे यांना बिनविरोध निवडून दिल्याने रायगडचं पालकमंत्रीपद मिळाल्याचं सांगत गोगावलेंनी अनिकेत तटकरेंना श्रेय दिलंय..
राज्याचे मंत्री अतुल सावे यांचे मोठे बंधू आणि पुतण्याला शेती तसंच रस्त्याच्या वादातून काही जणांनी मारहाण केल्याची घटना समोर आलीय. पैठण तालुक्यातील बिडकीन इथल्या नायगाव खंडेवाडी इथं ही घटना घडली आहे. या मारहाणीत अतुल सावे यांचे भाऊ अजित सावे आणि त्याचा मुलगा अमेय सावे जखमी झालेत... दोघांवरही उपचारासाठी बिडकीन इथल्या ग्रामीण रुग्णालयात दाखल करण्यात आलंय... नायगाव खंडेवाडी परिसरात शेतीच्या हद्दी तसेच रस्त्याच्या वापरावरून संबंधित दोन गटांमध्ये वाद सुरू होता. याच वादातून आज दोन्ही बाजूंमध्ये बाचाबाची झाली आणि त्यानंतर मारहाणीची घटना घडल्याची माहिती आहे.
मनोज जरांगे पाटील यांच्या समर्थनार्थ लातूरच्या निलंगा तालुक्यातील मसलगा येथे मराठा तरुणांनी आंदोलन केले. काही आंदोलक पाण्याच्या टाकीवर चढले. यावेळी एका आंदोलकाला चक्कर आल्याची माहिती आहे. प्रशासनाकडून आंदोलनाची दखल घेतली जात नसल्याचा आरोप आंदोलकांनी केला.
मुंबई आंतरराष्ट्रीय विमानतळाच्या मालकीच्या जागेवर अनधिकृत मशिद उभारल्याचा आरोप आहे. या बांधकामाविरोधात MMRDAने कारवाईचे आदेश दिल्याची माहिती आहे. अनधिकृत संरचना हटवण्यासाठी मुंबई विमानतळ प्रशासनाला पत्राद्वारे सूचना करण्यात आल्या आहेत. या कारवाईमुळे आता या प्रकरणावरून वाद निर्माण होण्याची शक्यता व्यक्त केली जात आहे.
मराठा आरक्षणाच्या मुद्द्यावर मनोज जरांगे पाटील यांनी अमृता फडणवीसांच्या निमंत्रणावर मिश्कील प्रतिक्रिया दिली. “भाऊ संकटात असताना आता बहिणीनं पाठिंबा द्यावा. नंतर साडीचोळी घेऊन भाऊबीजेला जेवायला येईन,” असं म्हणत त्यांनी अमृता फडणवीसांबाबत आपली भूमिका स्पष्ट केली.
मनोज जरांगे पाटील यांनी 12 सप्टेंबरला मुंबईकडे जाण्याबाबत मोठी घोषणा करणार असल्याचे सांगितले आहे. सरकारकडून आयोजित करण्यात आलेली शिबिरे नेमकी कशासाठी आहेत, याची माहितीही लवकरच समोर येईल, असे संकेत जरांगे पाटील यांनी दिले. त्यांच्या या वक्तव्यामुळे 12 सप्टेंबरच्या घोषणेकडे सर्वांचे लक्ष लागले आहे.
उपमुख्यमंत्री एकनाथ शिंदे सध्या लंडन दौऱ्यावर असून, यावेळी त्यांनी महाराष्ट्रातील ‘मुख्यमंत्री माझी लाडकी बहीण’ योजनेचा उल्लेख केला. हाऊस ऑफ लॉर्डसमध्ये बोलताना या योजनेमुळे राज्यातील महिला आर्थिकदृष्ट्या सक्षम झाल्याचे शिंदे यांनी सांगितले.महिलांच्या आर्थिक सक्षमीकरणासाठी राज्य सरकारकडून राबविण्यात येणाऱ्या विविध योजनांची माहितीही त्यांनी दिली. लाडकी बहीण योजनेमुळे महिलांना आर्थिक आधार मिळाला असून त्यांच्या आत्मविश्वासात वाढ झाली, असे शिंदे यांनी नमूद केले.
मराठा आरक्षण आंदोलक मनोज जरांगे पाटील यांच्या समर्थनार्थ माळशिरस तालुक्यातील संगम येथील मराठा समाज बांधवांनी कराड-लातूर राष्ट्रीय महामार्गावर रास्ता रोको करून जोरदार आंदोलन केले. जरांगे पाटील यांनी आंतरवाली सराटी येथे विविध मागण्यांसाठी उपोषण सुरू केले आहे. त्यांच्या समर्थनार्थ राज्यभरात मराठा समाज आक्रमक होत असून, त्याचाच एक भाग म्हणून संगम येथे हे आंदोलन करण्यात आले
नवनिर्वाचित सभासद निवडून आल्यानंतर अध्यक्ष व उपाध्यक्ष यांच्या अध्यक्षतेखाली बोलावण्यात आलेली ठाणे जिल्हा मध्यवर्ती बँकेच्या सर्वसाधारण सभेत मोठ्या प्रमाणात गोंधळ पाहायला मिळाला. ही सर्वसाधारण सभा ही गोंधळा पुरती मर्यादित न राहता चक्क धक्काबुक्की झाल्याची माहिती आहे.
पुणे शहरात गणेश उत्सव काळात नागरिकांची साहीत्य खरेदी व देखावे पाहण्यासाठी मोठ्या प्रमाणावर गर्दी होते. त्यामुळे सुरक्षेची उपाययोजना म्हणून जड/अवजड वाहनांमुळे नागरिकांना असुरक्षितता निर्माण होवून त्यांचे जिवीतास धोका होवू नये म्हणून वाहतुकीत बदल करण्यात आला आहे.
१२ सप्टेंबर ते २६ सप्टेंबर पर्यंत रस्ते बंद असणार
या रस्त्यांवर जड / अवजड वाहनांचे वाहतूकीस २४ तास बंदी करण्यात येत आहे
१) शास्त्री रोड सेनादत्त चौकी चौक ते अलका चौक
२) टिळक रोड जेधे चौक ते अलका चौक
३) कुमठेकर रोड शनिपार ते अलका चौक
४) लक्ष्मी रोड संत कबीर चौक ते अलका चौक
५) केळकर रोड -फुटका बुरुज ते अलका चौक
-६) बाजीराव रोड पुरम चौक ते गाडगीळ पुतळा
७) शिवाजी रोड - गाडगीळ पुतळा ते जेधे चौक
८) कर्वे रोड नळस्टॉप चौक ते खंडोजीबाबा चौक -
९) फर्ग्युसन कॉलेज रोड खंडोजीबाबा चौक ते विर चाफेकर चौक
१०) जंगली महाराज रोड स.गो. बर्वे चौक ते खंडोजीबाबा चौक -
११) सिंहगड रोड राजाराम ब्रिज ते सावरकर चौक
१२) गणेश रोड / मुदलियार रोड पॉवरहाऊस दारुवाला जिजामाता चौक फुटका बुरुज चौक
मनोज जरांगे पाटील यांच्या उपोषणाला समर्थन देण्यासाठी लातूर मध्ये काही तरुण पाण्याच्या टाकीवर चढून आंदोलन करत आहेत. लातूरच्या निलंगा तालुक्यातील मसलगा येथे काही मराठा आंदोलक आक्रमक झाले आहेत.
मतदार यादीत नाव नोंदणी, वगळणे व तपशीलातील दुरुस्तीसाठी ३० सप्टेंबरपर्यंत संधी
पुणे, दि. ९ : विशेष संक्षिप्त पुनरीक्षण कार्यक्रमांतर्गत मतदार यादीबाबत सुरू असलेल्या दावे व हरकतींच्या कालावधीत ३१ ऑगस्ट ते ७ सप्टेंबर २०२६ या कालावधीत पुणे जिल्ह्यात विविध प्रकारचे एकूण २१ हजार ५५५ अर्ज प्राप्त झाले आहेत. यामध्ये फॉर्म ६ चे १२ हजार ४७२, फॉर्म ७ चे ६८१ आणि फॉर्म ८ चे ८ हजार ३६८ अर्ज आहेत.
मतदार यादीत नवीन मतदार म्हणून नाव नोंदविणे, नाव वगळण्याबाबत हरकत नोंदविणे तसेच मतदार यादीतील नाव, पत्ता अथवा अन्य तपशीलात दुरुस्ती करण्यासाठी नागरिकांना ३० सप्टेंबर २०२६ पर्यंत अर्ज करता येणार आहेत. पात्र नागरिकांना ही प्रक्रिया ऑनलाइन तसेच ऑफलाइन पद्धतीने करता येणार आहे.
मिरा-भाईंदरमध्ये पर्यूषण पर्वाच्या पार्श्वभूमीवर विद्यार्थ्यांच्या डब्यात कांदा-लसूण नको, असा मेसेज पालकांना पाठवण्यात आला आहे. मिरारोडमधील सेव्हन स्क्वेअर शाळेने पालकांच्या व्हॉट्सॲप आणि पोर्टल ग्रुपवर हा अजब मेसेज आला आहे. तर असाच मेसेज नायगावमधील सेव्हन स्क्वेअर शाळेच्या पालकांच्या ग्रुपवरही आला आहे. महत्त्वाची बाब म्हणजे भाजपचे स्थानिक आमदार नरेंद्र मेहता आणि त्यांच्या कुटुंबीयांच्या मालकीच्या खासगी शाळेने हा फतवा काढल्याची माहिती समोर आली असून यावरून नवा वाद सुरू झाला आहे.
कुंभमेळा मंत्री गिरीश महाजन यांच्या हस्ते भारतीय वंशाची रोपे विद्यार्थ्यांना वितरित करण्यात आली. भोसला शाळेच्या आवारात वृक्षारोपण करण्यात आले. यावेळी मंत्री महाजन यांनी युवकांसमवेत वृक्षारोपण केले.
पुण्यातील गणेशोत्सवात डीजे आणि साउंड सिस्टिमच्या वापराला विरोध करत आपल्या भूमिकेमुळे सामाजिक कार्यकर्ते विद्यानंद बापट मागील काही दिवसांपासून चर्चेत आहेत. त्यांच्या मुलाखतीतील काही वक्तव्ये सोशल मीडियावर मोठ्या प्रमाणात व्हायरल झाली आहेत. या वक्तव्यांवरून आता बापट यांना मुंबई उच्च न्यायालयातील वकील प्रदीप नाईक यांनी कायदेशीर नोटीस बजावली आहे.
MPSC मार्फत घेण्यात येणारी गट क संयुक्त पूर्व परिक्षा पुन्हा एकदा पुढे ढकलली असून 25 ऑक्टोबर 2026 ला होणारी परीक्षा आता थेट 3 जानेवारी 2027 ला होणार आहे. सणासुदीचा कालावधी, हिवाळी अधिवेशन आणि इतर कारणामुळे परीक्षा पुढे ढकलत असल्याचे कारण देण्यात आले आहे.
पुणे महापालिकेत एकहाती सत्ता मिळाल्यानंतरही भाजपच्या नगरसेवकांच्या प्रभागातील कामे मार्गी लागत नसतील, तर नेमकी सत्ता कोणाची? असा सवाल आता खुद्द भाजपच्याच नगरसेवकांनी उपस्थित केला आहे. महापालिकेतील अधिकारी नगरसेवकांचे ऐकत नाहीत, वरिष्ठ अधिकाऱ्यांना भेटण्यासाठी दहा-दहा दिवस लागतात, सर्वसाधारण सभेत बोलण्याची संधी मिळत नाही, माईक बंद केला जातो आणि ठेकेदारांची मक्तेदारी कायम आहे, अशा तक्रारींचा पाढाच नगरसेवकांनी केंद्रीय राज्यमंत्री मुरलीधर मोहळ यांच्यासमोर वाचला असल्याचे सांगितले जात आहे.
मनोज जरांगे पाटील हे उपोषणाला बसले असून त्यांची प्रकृती बरीच ढासळली आहे. येत्या 12 ऑगस्टला जरांगेंनी मराठा बांधवांना अंतरवाली सराटीत जमण्याचे आवाहन केले आहे. या पार्श्वभूमीवर आता जालन्याच्या जिल्हाधिकारी अशीमा मित्तल यांनी आंदोलनाच्या पार्श्वभूमीवर बुधवार आणि गुरुवारी शहरातील दारुची दुकाने बंद ठेवण्याचा आदेश दिला आहे.
महाराष्ट्र अन्न व औषध प्रशासनाने इस्कॉन जुहू कॅम्पसमधील तीन फूड युनिट्सचे परवाने निलंबित केले आहेत. 3 सप्टेंबर 2026 रोजीच्या तपासणीत अन्न सुरक्षा, स्वच्छता, कीटक नियंत्रण आणि अन्न साठवणुकीशी संबंधित गंभीर त्रुटी आढळल्याचे सांगण्यात आले.
मनोज जरांगे पाटील मागील बारा दिवसांपासून अंतरवाली सराटीत उपोषण सुरू आहे. त्यामुळे त्यांची तब्येत खालावली आहे. डिहायड्रेशन झाले होते. मात्र, आज त्यांनी सलाईन आणि पाणी घेतल्यामुळे आता त्यांची प्रकृती स्थिर असल्याची माहिती डॉक्टरांची दिली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.