Maharashtra Political Live Update : आदिवासींचा ‘लाँग मार्च’; पाच हजार आदिवासी मोर्चात सहभागी होणार

चीनच्या आग्नेय भागातील जिआंग्शी प्रांतात गेल्या आठवड्याच्या अखेरीस मुसळधार पावसामुळे मोठ्या प्रमाणात दरडी कोसळल्या. यात अनेकजण मृत्युमुखी पडले असून आणखी एक मृतदेह सापडल्याने मृतांची संख्या 20 हून अधिक झाली आहे, अशी माहिती सरकारी वृत्तसंस्था ‘शिन्हुआ’ने दिली. चीनच्या पूर्व किनाऱ्यावर सौडेल चक्रीवादळ धडकल्यानंतर. सुइचुआन काउंटी परिसरात अनेक दिवस मुसळधार पाऊस पडत होता.

ब्राझीलमधील इंधनाचे दर कमी करण्याच्या उद्देशाने अध्यक्ष लुईझ इनासिओ लुला दा सिल्वा यांनी अध्यादेश आणि तात्पुरता कायदा जारी केला. अध्यक्षीय निवडणुकीला काही आठवडे शिल्लक असताना आणि अमेरिका-इराण युद्धामुळे इंधनाचा खर्च वाढत असताना हे निर्णय घेण्यात आले. या बेजबाबदार युद्धाचा फटका आम्ही तुमच्या खिशाला बसू देणार नाही, असे लुला यांनी यावेळी सांगितले.

युवकांना राष्ट्रनिर्मितीच्या प्रक्रियेत सक्रियपणे सहभागी करून घेत त्यांच्या कल्पना, नेतृत्वगुण आणि नवकल्पनांना राष्ट्रीय व्यासपीठ उपलब्ध करून देण्यासाठी केंद्र सरकारच्या युवा कार्य व क्रीडा मंत्रालयाच्या वतीने ‘विकसित भारत युवा नेतृत्व संवाद’ उपक्रमाचे आयोजन करण्यात आले आहे. जिल्हा युवा अधिकारी अभिलाष म्हस्के यांनी गुरुवारी ही माहिती दिली. या उपक्रमात 15 ते 29वयोगटातील युवकांना सहभागी होता होईल.