Maharashtra Politics Live Update : अमेरिका-इराण शस्त्रसंधी, पाकिस्तानची यशस्वी मध्यस्थी

बारामती विधानसभा पोटनिवडणूकीसाठी तब्बल 55 उमेदवारांनी अर्ज केला आहे. त्यामुळे बिनविरोध निवडणूक होण्याची आशा मावळली आहे. बारामती विधानसभा मतदार संघातील प्रमुख पदाधिकाऱ्यांची बैठक पार पडली असून सुनेत्रा पवार या शनिवारी नारळ कन्हेरीतील मंदिरात प्रचाराचा नारळ फोडतील.

संपूर्ण मुंबई महानगर क्षेत्रात  मेट्रोचे जाळे तयार करून  सिमलेस वाहतूक व्यवस्था तयार करण्याचे काम  सुरू आहे. त्यामुळे येत्या तीन ते चार वर्षात मुंबई महानगर क्षेत्रात   दिल्लीपेक्षाही मोठे वाहतुकीचे जाळे निर्माण होणार आहे अशी माहिती मुख्यमंत्री देवेंद्र फडणवीस यांनी मिरा रोड येथे दिली. मिरा भाईंदरच्या दहिसर ते काशी गांव या पहिल्या टप्प्याचे लोकार्पण मुख्यमंत्र्यांच्या हस्ते करण्यात आले. या मेट्रोमुळे मिरा भाईंदरला मुंबईशी जोडण्याचे काम  झाले आहे असेही मुख्यमंत्र्यांनी यावेळी सांगितले.

राज्यात आता इच्छा मृत्युपत्राचा ऐतिहासिक निर्णय लागू करण्यात आलाय. दुर्धर आजाराला तोंड देणाऱ्या व्यक्तींना इच्छा मृत्युपत्राला मान्यता देण्यात आलीये. सर्वोच्च न्यायालयानं इच्छा मृत्युपत्रांचे संरक्षक म्हणून महापालिकांचे आयुक्त, नगरपरिषद किंवा नगरपंचायतींचे मुख्याधिकारी यांच्यावर जबाबदारी दिली असून, मृत्युपत्राच्या नोंदणीसाठी स्वतंत्र संकेतस्थळही तयार करण्यात आले आहे.