MLC Election Result Live Updates : पुणे पदवीधरमधून मविआच्या उमेदवार हर्षदा देशमुख आघाडीवर

मनसे अध्यक्ष राज ठाकरे साय डोंगर परिसरात दाखल झाले असून ते या परिसरातील वृक्षतोडीची पाहणी करणार आहेत.

पुणे शिक्षक मतदारसंघाच्या निवडणुकीच्या मतमोजणीत भाजपचे कौस्तुभ गावडे यांनी आघाडी कायम राखली आहे. मात्र, विजयासाठी आवश्यक असलेला २५ हजार ७५६ मतांचा कोटा अद्याप कोणत्याही उमेदवाराला पूर्ण करता आलेला नाही. त्यामुळे आमदारकीचा फैसला आता दुसऱ्या पसंतीच्या मतांवर अवलंबून असून, अंतिम निकालासाठी आणखी काही तास प्रतीक्षा करावी लागण्याची शक्यता आहे.

पुणे पदवीधरच्या महाविकास आघाडीच्या उमेदवार हर्षदा देशमुख पहिल्या पसंतीच्या मतांत आघाडीवर आहेत. तर भाजपच्या स्मिता जाधव दुसऱ्या स्थानी आहेत. पुणे पदवीधर निवडणुकीत झालेल्या मतदानापैकी २ लाख २६ हजार २२४ मते वैध ठरली आहेत. विजयासाठी १ लाख १३११३ मतांचा कोटा निश्चित करण्यात आला आहे.