शिवसेनेचे आमदार महेंद्र दळवी यांनी मंत्री भरत गोगावले हे राष्ट्रवादी काँग्रेसचे खासदार व प्रदेशाध्यक्ष सुनील तटकरेंच्या घरी गणपती दर्शनाला गेल्याने जाहीर नाराजी व्यक्त केली आहे. महेंद्र दळवी म्हणाले, रायगड जिल्ह्याच्या राजकीय परिस्थितीनुसार गोगावलेंनी तटकरेंच्या घरी जायला नको होते. कारण सुनील तटकरे हे भरत गोगावलेंच्या घरी गणपती दर्शनाला जातील का असा सवालही दळवींनी यावेळी उपस्थित केला आहे.
छत्रपती संभाजीनगर महापालिकेत भाजप-शिवसेना व एमआयएम पक्षाच्या नगरसेवकांमध्ये सातत्याने संघर्ष सुरू आहे. पण शुक्रवारी (ता. १८) झालेल्या सर्वसाधारण सभेत वेगळेच चित्र दिसले. विरोधी पक्षनेते समीर साजिद बिल्डर यांनी गौरी, गणपती सणानिमित्त सर्वसाधारण सभा तहकूब करण्याची मागणी केली. यानंतर महापौर समीर राजूरकर यांनी महापालिकेची सभा तहकूब केली. हिंदू सणांचा मुद्दा उपस्थितीत करून एमआयएम पक्षाने महापालिकेत सोशल इंजिनिअरिंगचा प्रयत्न केल्याची चर्चा यानिमित्ताने सुरू झाली आहे.
पंतप्रधान नरेंद्र मोदी यांच्या अध्यक्षतेखाली केंद्रीय मंत्र्यांची २३ आणि २४ सप्टेंबर या दोन दिवसांत चिंतन बैठक होणार असल्याची चर्चा आहे. या बैठकीत सरकारचे कामकाज, धोरणे, सुधारणा आणि मंत्रालयांमधील समन्वयावर चर्चा होण्याची शक्यता आहे. अर्थात, याबाबत सरकारकडून अद्याप दुजोरा मिळालेला नाही. पंतप्रधान मोदींसमवेत होणाऱ्या या संभाव्य बैठकांमध्ये केंद्रीय मंत्री आपापल्या मंत्रालयातील कामकाज आणि सुधारणांबाबत सादरीकरणही करणार असल्याचे बोलले जात आहे. यासाठी सर्व कॅबिनेट मंत्र्यांना पुढील आठवड्यात दिल्लीत उपस्थित राहण्याच्या सूचना दिल्या आहेत.
दिल्लीत गेलो तरी विरोधक टीका करतात आणि दरेगावात आलो तरी टीका करतात. विरोधकांच्या पोटदुखीवर जालीम उपाय शोधतोय. लंडनमध्ये गेल्यानंतरही काही लोकांना त्रास झाला. त्या ठिकाणीही आपल्या योजनांचे ब्रॅडिंग करण्याचा प्रयत्न केला, असे उपमुख्यमंत्री एकनाथ शिंदे यांनी दरेगावी आल्यानंतर माध्यमाशी बोलताना सांगितले.
पश्चिम बंगालमधील नंदीग्राम पोटनिवडणुकीतील काँग्रेसचे उमेदवार मिलन प्रधान यांना अटक करण्यात आली आहे. एका जुन्या हत्या प्रकरणात प्रधान हे आरोपी आहेत, असे पोलिसांकडून सांगण्यात आले आहे. पोलिसांकडून या प्रकरणात प्रधान यांच्या विरोधात अटक वॉरंटही जारी केले होते. विशेष म्हणजे तृणमूल काँग्रेसच्या संस्थापक ममता बॅनर्जी यांनी काँग्रेस उमेदवार प्रधान यांना पाठिंबा जाहीर केल्यानंतर या घडामोडी घडल्या आहेत.
टीईटी पेपरफुटीप्रकरणी भिवंडीत न्यायालयात ३५०० पानांचे दोषारोपपत्र दाखल करण्यात आले आहे. यात इलेक्ट्रॉनिक पुरावे, साक्षीदारांचे जबाब नोंदविण्यात आले आहेत. या प्रकरणी आतापर्यंत १६ आरोपींना अटक करण्यात आलेली आहे.
दिशा सालियन मृत्यू प्रकरणासंदर्भात माझ्याकडे जो पेन ड्राईव्ह तो ज्या ठिकाणी पोचयला पाहिजे होता, त्या ठिकाणी पोचला आहे. ज्यांच्यावर आरोप आहेत, तो ताकदवार असेल तर समोरच्यांवर दबाव टाकू शकतो, तर अंडर ट्रायल किंवा कस्टोडियन एन्कॉयरीशिवाय पर्याय सीबीआयकडे राहूच शकत नाही. हे लोक बाहेर राहून केसवर दबाव टाकण्याचा प्रयत्न करतील असेल अटक करून चौकशी करण्याची तरतूद कायद्यात, असा आरोप मंत्री नीतेश राणे यांनी केला आहे.
ममता बॅनर्जींना आणखी एक धक्का बसला आहे. पश्चिम बंगालमधील नंदिग्राम विधानसभा पोटनिवडणुकीच्या शर्यतीतून ममता बॅनर्जी गटाच्या उमेदवार संचिता प्रधान यांनी आपला उमेदवारी अर्ज मागे घेतला आहे. निवडणूक आयोगाने तृणमुल काँग्रेसचं पक्ष आणि चिन्ह गोठवल्यानंतर ममता बॅनर्जींना हा दुसरा धक्का बलाय. अर्ज मागे घेण्याच्या अंतिम मुदतीपूर्वीच संचिता प्रधान यांनी हा निर्णय घेतलाय. ६ ऑक्टोबरला नंदिग्राम विधानसभेसाठी मतदान पार पडणार आहे...
राज्यातील दुष्काळाच्या पार्श्वभूमीवर माजी केंद्रीय कृषिमंत्री शरद पवार यांनी मुख्यमंत्री देवेंद्र फडणवीस यांना पत्र लिहून तातडीनं उपाययोजना करण्याची मागणी केलीय. राज्यातील सोयाबीन, कापूस, बाजरी, मका, तूर, मूग, उडीद यांसारखी पिके पावसाअभावी करपून गेलीयत. शेतकरी, शेतमजूर आणि पशुधन मोठ्या संकटात सापडलंय. यासंदर्भात शरद पवार यांनी देवेंद्र फडणवीसांना 9 मागण्यांचं पत्र पाठवलंय.
मनोज जरांगेंचे जुने सहकारी अजय बारस्कर यांनी गंभीर आरोप केले आहेत. जरांगे पाटलांच्या आजूबाजूच्या लोकांनी कोट्यवधीची माया जमवलीय. त्यांनी कंपन्या स्थापन करुन कोट्यवधीची सरकारी कंत्राट घेतल्याचा आरोपही त्यांनी केलाय. यासंदर्भात ईडीकडे तक्रार करणार असल्याचंही त्यांनी सांगितलं.
नुकसानग्रस्त शेतकऱ्यांसाठी मुख्यमंत्री देवेंद्र फडणवीसांनी मोठी घोषणा केली आहे. केंद्राची वाट न पाहता नुकसानग्रस्त शेतकऱ्यांना राज्य सरकार मदत करेल, अशी ग्वाही मुख्यमंत्री फडणवीसांनी दिली आहे.
मनोज जरांगे पाटील यांना सरकारचं म्हणणं पटलं, म्हणून त्यांनी आंदोलन मागे घेतली. हे आंदोलन ईडीच्या भीतीने मागे घेतले नाही, असे मंत्री उदय सामंत म्हणाले आहेत.
काँग्रेसकडून नागपुरात यूपीआयवरील शुल्काविरोधात आंदोलन करण्यात आले आहे. केंद्र सरकारने नुकतेच दोन हजार रुपयांपुढील व्यवहारावर शुल्क लागू केले आहे. ते रद्द करण्याची मागणी काँग्रेसकडून करण्यात आली.
ममता बॅनर्जी यांच्या नेतृत्वाखालील तृणमूल काँग्रेसला 'ममता ऑल इंडिया तृणमूल काँग्रेस' हे नाव आणि 'फुटबॉल खेळाडू' हे चिन्ह निवडणूक आयोगाने दिले आहे. तर,अरूप रॉय यांच्या नेतृत्वाखालील गटाला 'डेमोक्रॅटिक तृणमूल काँग्रेस' हे नाव आणि 'लिफाफा' हे चिन्ह देण्यात आले आहे. त्यामुळे आता दोन्ही गट नवीन नाव आणि चिन्हासह निवडणुकीला सामोरे जाणार आहेत.
सुरेश बनकर यांची संभाजीनगर पूर्व भाजपा जिल्हाध्यक्षपदी नियुक्ती करण्यात आली आहे. संभाजीनगर पूर्वचाच भाग असलेल्या फुलंब्री विधानसभा मतदारसंघात अब्दुल सत्तार यांचा वावर वाढताच भाजपने त्यावर सुरेश बनकर यांच्या माध्यमातून जालीम उपाय शोधण्याची चर्चा जिल्ह्याच्या राजकीय वर्तुळात सुरू झाली आहे.
अनुसूचित जाती आरक्षण उपवर्गीकरणाच्या समर्थनासाठी आणि विविध मागण्यांसाठी शिर्डीत मातंग बांधवांचा मोर्चा काढण्यात आला आहे. भाजपचे आमदार अमित गोरखे यांच्या नेतृत्वाखाली या मोर्चाचे आयोजन करण्यात आले आहे.
उपराष्ट्रपती सी. पी. राधाकृष्णन यांनी गणेशोत्सवानिमित्त मुख्यमंत्री देवेंद्र फडणवीस यांच्या ‘वर्षा’ या शासकीय निवासस्थानी श्री गणेशाचे दर्शन घेऊन पूजा केली. याप्रसंगी मुख्यमंत्र्यांनी उपराष्ट्रपतींचे पुष्पगुच्छ देऊन स्वागत केले.
एफडीएने नागपूर विभागात तब्बल १२.१० लाख रुपयांचा बेकायदेशीर गुटखा व सुगंधित तंबाखू जप्त करण्यात आली असून, वाहतुकीसाठी वापरलेली दोन वाहने ताब्यात घेऊन ३ जणांना अटक करण्यात आली आहे. याशिवाय, राज्यभरात नियमांचे उल्लंघन करणाऱ्या आणि अस्वच्छता बाळगणाऱ्या १४ हॉटेल्स व उपाहारगृहांचे परवाने तातडीने निलंबित करण्यात आले आहेत.
डबल इंजिन सरकार फेल ठरले आहे. दुष्काळ असताना शेतकऱ्यांना मदत देताना विलंब होतो आहे, अशी टीका काँग्रेस नेते नाना पटोलेंनी केली त्यांनी महाराष्ट्रातील उपाययोजनांची तुलना कर्नाटकच्या दुष्काळ-निवारण उपाययोजनांशी केली; तसेच निवडणूक आयोगातील राजकीय हस्तक्षेप आणि सरकारी धान खरेदीतील अनियमितता यांबाबतही आरोप केले. हे मुद्दे शेतकरी आणि राज्यावर परिणाम करणारे गंभीर विषय असल्याचे हे ते म्हणाले.
आमदार संजय गायकवाड यांनी मोताळा तालुक्यात पावसाअभावी करपलेल्या खरीप पिकांची बांधावर जाऊन पाहणी केली. कोथळी, निमखेड, धामणगाव देशमुख, रामगाव, पिंपळगाव नाथ, चिंचखेड नाथ, ईसलवाडी, गिरोली आदी गावांमध्ये अधिकाऱ्यांसह त्यांनी पीक नुकसानीचा आढावा घेतला. मका, तूर, सोयाबीन व कपाशी पिकांची पावसाअभावी झालेली अवस्था पाहून आमदार गायकवाड यांनी शेतकऱ्यांशी संवाद साधत त्यांच्या अडचणी जाणून घेतल्या.
जिल्ह्यातील पीक कर्ज वाटपाचे उर्वरित उद्दिष्ट निर्धारित कालावधीत पूर्ण करण्यासाठी बँकांनी विशेष प्रयत्न करावेत, तसेच शासकीय योजनांतील पात्र लाभार्थ्यांना वेळेत कर्ज व अन्य सुविधांचा लाभ मिळेल, यासाठी बँका व शासकीय यंत्रणांनी समन्वयाने काम करावे, अशा सूचना अपर जिल्हाधिकारी सतीश राऊत यांनी दिल्या आहेत.
पुण्याच्या शिरूर शहरात आज सकाळी साडेसहाच्या सुमारास झालेल्या गोळीबारात हरी गंगावणे या तरुणाचा जागीच मृत्यू झाला आहे... लाटेआळी आंबेडकर नगर परिसरातून हा धक्कादायक प्रकार समोर आला आहे... गणेशोत्सवाच्या काळात घडलेल्या या घटनेने शहरात खळबळ उडाली असून, पोलिसांनी घटनास्थळी पाहणी केली आहे... गोळीबाराचं नेमके कारण अद्याप अस्पष्ट असून, पोलिसांकडून कसून तपास सुरू आहे
राहाता व कोपरगाव तालुका पोलिस ठाण्याच्या हद्दीत अवैध वाळू वाहतुक करणाऱ्यांची माहिती काढून दोन ठिकाणी छापे टाकून कारवाई केली. पथकाने केलेल्या कारवाईमध्ये खालीलप्रमाणे 02 गुन्हे दाखल करून एकूण 30 लाख 40 हजार रूपये किंमतीचा मुद्देमाल जप्त केला आहे.
मलकापूर विधानसभा मतदारसंघाचे भाजप आमदार चैनसुख संचेती यांच्याशी एका शेतकऱ्याचा संतप्त संवाद झाल्याचा व्हिडिओ सोशल मीडियावर व्हायरल झाला आहे. शेतकऱ्याने आपल्या अडचणी मांडत, “सगळं तुमच्या अधिकारात आहे, मग का करत नाही?” असा सवाल केला. यावेळी आमदार संचेती वाहनातून निघून गेल्याचे व्हिडीओत दिसत आहे. दरम्यान, काँग्रेस प्रदेशाध्यक्ष हर्षवर्धन सपकाळ यांनी हा व्हिडीओ पोस्ट करत ‘सत्तेची मुजोरी, अहंकार’ असा उल्लेख केला असून, “ज्यांनी निवडून दिले त्यांच्याशी हेकेखोरी बरी नव्हे, सत्ता अमर नसते,” असा टोला लगावला आहे. व्हिडीओवर सोशल मीडियातून विविध प्रतिक्रिया उमटत आहेत.
मोताळा तालुक्यात पावसाअभावी करपलेल्या खरीप पिकांची आमदार संजय गायकवाड यांनी बांधावर जाऊन पाहणी केली. कोथळी, निमखेड, धामणगाव देशमुख, रामगाव, पिंपळगाव नाथ, चिंचखेड नाथ, ईसलवाडी, गिरोली आदी गावांमध्ये अधिकाऱ्यांसह त्यांनी पीक नुकसानीचा आढावा घेतला. मका, तूर, सोयाबीन व कपाशी पिकांची पावसाअभावी झालेली अवस्था पाहून आमदार गायकवाड यांनी शेतकऱ्यांशी संवाद साधत त्यांच्या अडचणी जाणून घेतल्या. बुलढाणा जिल्ह्याचा कोरड्या दुष्काळाच्या यादीत समावेश झाल्याची माहिती असून, लवकरच अधिकृत घोषणा होणार असल्याचे आमदार गायकवाड यांनी सांगितले. तसेच पीक नुकसानीची वस्तुनिष्ठ नोंद करून शेतकऱ्यांना जास्तीत जास्त शासकीय मदत मिळवून देण्यासाठी प्रयत्न करण्याची ग्वाही त्यांनी दिली.
नागपूरमधील वाढत्या हिंसक गुन्ह्यांच्या घटनांबाबत आम्हाला गंभीर चिंता वाटते. २०२६ च्या पहिल्या आठ महिन्यांतील आकडेवारीत हत्येचे प्रयत्न, खून, गोळीबार आणि टोळीयुद्धाच्या घटनांबाबत चिंताजनक चित्र समोर आले आहे. हत्येच्या प्रयत्नांचे १४७ गुन्हे नोंदवल्याचे वृत्त आहे. विशेषतः शाळा-महाविद्यालयांच्या परिसरात ड्रग्स पोहोचत असतील, तर ही बाब अत्यंत गंभीर आहे. आपल्या तरुण पिढीला व्यसनाच्या विळख्यात ढकलणाऱ्या प्रवृत्तींवर कठोर कारवाई झाली पाहिजे. नागपूर हे महाराष्ट्राचे महत्त्वाचे शहर आहे. अशा शहरात कायदा-सुव्यवस्थेबाबत नागरिकांच्या मनात भीती निर्माण होणे ही गंभीर बाब आहे. मुख्यमंत्र्यांचे शहर आणि केंद्रीय मंत्री नितीन गडकरी यांचा जिल्हा असलेल्या नागपुरात गुन्हेगारीच्या घटनांमध्ये वाढ होत असेल, तर प्रशासनाने केवळ प्रतिक्रिया न देता ठोस आणि परिणामकारक पावले उचलली पाहिजेत. ड्रग्सची विक्री, टोळीयुद्ध, अवैध शस्त्रे आणि वाढती हिंसक प्रवृत्ती यांच्यावर प्रभावी नियंत्रण आणणे गरजेचे आहे. नागपूरकरांच्या सुरक्षिततेशी कोणतीही तडजोड चालणार नाही. सरकार आणि प्रशासनाने जागे होऊन कायदा-सुव्यवस्था मजबूत करण्यासाठी तातडीने ठोस उपाययोजना कराव्यात.
गणपतीपुळे येथे दर्शनासाठी येणाऱ्या भक्तांसाठी अखेर वस्त्रसंहिता (ड्रेस कोड) लागू करण्याचा निर्णय मंदिर प्रशासनाने घेतला आहे. येत्या एक जानेवारीपासून या नियमावलीची मंदिर परिसरात कडक व काटेकोरपणे अंमलबजावणी केली जाणार असल्याचे संस्थानाने स्पष्ट केले आहे. संस्थानने यापूर्वीच मंदिर परिसरात वस्त्रसंहितेबाबत जनजागृती फलक लावले होते; मात्र, नवीन वर्षाच्या पहिल्या दिवसापासून ही नियमावली सक्तीची केली जाणार आहे. कमी कपड्यांतील ‘ट्रिप मूड’ किंवा समुद्रावर फिरण्यासाठी वापरला जाणारा तोकडा पेहराव, गुडघ्यांच्या वर असणारे स्कर्ट्स अथवा ड्रेसेस तसेच असभ्य भाषा किंवा आक्षेपार्ह चित्रे छापलेले कपडे परिधान करून येणाऱ्या पर्यटकांना व भाविकांना मंदिरात प्रवेश दिला जाणार नाही. या नियमावलीतून दहा वर्षांच्या आतील लहान मुलांना विशेष सूट देण्यात आली आहे.
पावसाळा सुरू होऊन साडेतीन महिने उलटून गेले, तरी देखील पावसाने हजेरी न लावल्याने आष्टी तालुक्यातील टाकळसिंग येथील युवक शेतकरी कुंडलिक जगताप यांनी आपल्या शेतातून थेट कृषि मंत्र्यांना फोन लावला. आमची परिस्थिती खूप भयान झाली आहे, आम्हाला लवकरात लवकर मदत करा, अशी मागणी त्यांनी केली. युवक शेतकरी कुंडलिक जगताप यांनी आपल्या शेतातील जमीन संपूर्ण भेगाळली असून, पिके जळून गेलेत. कसे बसे जनावरे मोठ्या कष्टाने उभा केलेत, त्यांना ही चारा नाही पाणी नाही, आम्हाला लवकरात लवकर चारा डेपो व पाण्याची व्यवस्था करावी, आशी मागणी शेतकरी करत आहेत.
तमिळनाडूमधील नवोदय विद्यालयांच्या स्थापनेशी संबंधित याचिकेवर सुनावणी करताना सुप्रीम कोर्टाने तमिळनाडू सरकारच्या हिंदीविषयक भूमिकेवर भाष्य केले. तमिळनाडू सरकारने भाषेबाबत आपली विचारसरणी बदलण्याची गरज असून, तमिळनाडूच्या भूमीवर हिंदी शिकवली जाणार नाही असा हट्ट धरता येणार नाही, असं सर्वोच्च न्यायालयाने म्हटलं आहे.
नाशिक शहरातील गंगापूर रोड परिसरात दुभाजकावर लावण्यात आलेली सुमारे 50 विदेशी झाडे रात्रीच्या अंधारात कुऱ्हाड मारून तोडल्याचा धक्कादायक प्रकार समोर आला आहे. या प्रकरणी पोलिसांनी 'नम्रता ॲडव्हर्टायझिंग' या जाहिरात कंपनीच्या मालकासह सहा जणांना अटक केली आहे.
पंतप्रधान नरेंद्र मोदी यांच्या वाढदिवसानिमित्त चंद्रपुरात भाजपच्या वतीने विशेष कार्यक्रमाचे आयोजन करण्यात आले. शहरातील गांधी चौक येथे आमदार सुधीर मुनगंटीवार व महापौर संगीता खांडेकर यांच्या उपस्थितीत तब्बल ७६ फुटांचा केक कापण्यात आला.
राज्यात अपुऱ्या पावसामुळे गंभीर परिस्थिती निर्माण झाली असून तत्काळ यावर उपाय योजना करण्याची मागणी करणारं पत्र शरद पवारांनी देवेंद्र फडणवीस यांना लिहिलं आहे. या पत्रातून त्यांनी निकषांची वाट न पाहता तात्काळ दुष्काळ जाहीर करून गंभीर तालुक्यांना दुष्काळी सवलती लागू कराव्यात, अशी मागणी केली आहे.
दिशा सालियन प्रकरणावर मनसेचे नेते अमित ठाकरे यांनी प्रतिक्रिया, "आदित्य ठाकरे अशा गोष्टींमध्ये सहभागी होऊ शकत नाही. मी भाऊ म्हणून आदित्य ठाकरेंना जेवढं ओळखतो, ते अशा गोष्टींमध्ये ते सहभागी नाही होऊ शकत. बाकी न्यायालयात याबाबत लढा सुरुच आहे.", असं ते म्हणाले.
गडचिरोलीत स्थानिक गुन्हे शाखा आणि आरमोरी पोलिसांनी संयुक्त कारवाई करत 45 लाख 20 हजार रुपये किमतीचा प्रतिबंधित सुगंधित तंबाखू जप्त केला आहे. कुरखेडा ते आरमोरी रोडवर आयशर ट्रक क्रमांक CG 08 Z 8792 मध्ये लपवून हा गुटखा वाहतूक होत होती.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.