MSRTC bus safety measures : राज्य परिवहन महामंडळाच्या ताफ्यात पुढील वर्षात दाखल होणाऱ्या नव्या बसमध्ये चालकाजवळ ब्रेथ ॲनालायझर यंत्र बसविण्यात येणार आहे. या यंत्रामुळे चालकाने मद्यपान केल्याचे आढळल्यास बसचे इंजिन सुरू होणार नाही, म्हणजेच चालक मद्यधुंद अवस्थेत असल्यास बस सुरू होणार नाही.
या निर्णयाचे प्रवाशांकडून अन् प्रवासी संघटनांकडून स्वागत करण्यात आलं आहे. तसंच मंत्री प्रताप सरनाईक यांनी, मद्यपी चालकांमुळे अपघाताची शक्यता वाढते. अशा गोष्टींना आळा घालण्यासाठी चालकांच्या व्यक्तिगत तपासणीबरोबरच वाहनाच्या यंत्रणेमध्येच अशा प्रकारची यंत्रणा कार्यान्वित करण्याचा आमचा मानस आहे, असे सांगितले.
एसटी प्रवाशांच्या जिवाची सुरक्षा सुनिश्चित करण्यासाठी तसेच नशेत असलेल्या चालकांमुळे होणाऱ्या अपघातांचा धोका टाळण्यासाठी हा निर्णय घेण्यात आला आहे. यामुळे केवळ प्रवाशांचा विश्वास वाढणार नाही, तर एसटी चालकांमध्येही (Worker) जागरूकता आणि जबाबदारीची भावना निर्माण होईल.
एसटीच्या ताफ्यात येणाऱ्या आठ हजार नव्या बसमध्ये ही प्रणाली अनिवार्य आहे. प्रत्येक बसमध्ये आधुनिक डिजिटल प्रणालीसह ब्रेथ ॲनालायझर बसविण्यात येईल. यामुळे चालकांच्या सुरक्षिततेसह प्रवाशांच्या जीवनालाही धोका पोहोचणार नाही, अशी माहिती एसटी प्रशासनाकडून देण्यात आली.
एसटी महामंडळाने (MSRTC) नव्या बस खरेदीसाठी तयार केलेल्या करारनाम्यातच ब्रेथ ॲनालायझर प्रणाली बसविणे बंधनकारक केले आहे. ‘मद्यपी चालकांमुळे अपघातांचे प्रमाण कमी करण्यासाठी ही यंत्रणा अत्यंत प्रभावी ठरेल. अद्याप याबाबत कुठलेही पत्रक आम्हाला आले नाही; पण अशा बसमुळे प्रवाशांची सुरक्षा अधिक मजबूत होईल.’ अशी माहिती एसटीच्या एका वरिष्ठ अधिकाऱ्यांनी दिली.
ब्रेथ ॲनालायझर हे एक आधुनिक इलेक्ट्रॉनिक उपकरण आहे, जे चालकाने श्वास घेताच अल्कोहोलचे प्रमाण तपासते आणि ठराविक मर्यादेपेक्षा जास्त प्रमाण आढळल्यास बस प्रणाली ‘लॉक’ होते.
मंत्री प्रताप सरनाईक म्हणाले, मद्यपी चालकांमुळे अपघाताची शक्यता वाढते. "संबंधित चालक आपल्याबरोबर 50-60 प्रवाशांचा जीव धोक्यात घालतो. त्यामुळे भविष्यामध्ये अशा गोष्टींना आळा घालण्यासाठी चालकांच्या व्यक्तिगत तपासणीबरोबरच वाहनाच्या यंत्रणेमध्येच अशा प्रकारची यंत्रणा कार्यान्वित करण्याचा आमचा मानस आहे. यामुळे मद्यपी चालकाला ते वाहन सुरूच करता येणार नाही."
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.