Shambhuraj Desai On Manoj Jarange : मनोज जरांगेंना 100 कोटींचा संशय; शंभुराजे म्हणाले, "कारवाईच करतो"

Shambhuraj Desai News : मराठा आरक्षणाच्या नावाखाली 100 कोटी गोळा केल्याचा संशय मराठा आंदोलक मनोज जरांगे यांनी व्यक्त केला आहे. "हा मोठा विषय आहे. याबाबत चौकशी होणार आहे. ती आम्ही करतोय आणि यात कारवाई करतोच. मनोज जरांगे यांच्या नावाचा गैरफायदा कोणी घेत असेल तर, त्यावर कारवाई करणारच", असे शिवसेना नेते मंत्री शंभुराज देसाई यांनी सांगितले.

मराठा आरक्षणासाठी लढा उभारलेले संघर्षयोद्धा मनोज जरांगे यांनी सगेसोयरे केलेली व्याख्या आहे. मुख्यमंत्री यांनी याबाबत अधिसूचना काढली आहे. यावर हरकती देखील मागवल्या आहेत. त्याची छाननी सुरू आहे. मुख्यमंत्री एकनाथ शिंदे (Eknath Shinde) यांनी जो शब्द दिला आहे, तो पूर्ण केला जाणार आहे, असे शंभुराजे देसाई यांनी सांगितले.

मनोज जरांगे यांनी भेटीत मराठा आरक्षणाच्या नावाखाली काहींनी 100 कोटी रुपये गोळा केल्याचा संशय व्यक्त केला आहे. हा गंभीर विषय आहे. मनोज जरांगे यांच्या नावाचा कोणी गैरफायदा घेत असेल, तर हा विषय छोटा नाही. याची दखल आम्ही घेतली आहे. आम्ही याबाबत चौकशी करून गंभीर कारवाई करूच, असे शंभुराजे देसाई यांनी सांगितले.

मनोज जरांगे यांनी मराठा आरक्षणाच्या (Maratha Reservation) मागणीसाठी बेमुदत उपोषण सुरू केले होते. शंभुराज देसाई यांच्या उपस्थित मनोज जरांगे यांनी उपोषण मागे घेतले. यावेळी मनोज जरांगे यांनी आरक्षणाबाबत असलेल्या मागण्यांवर कार्यवाहीसाठी एक महिन्यांची मुदत दिली. याचवेळी मनोज जरांगे यांनी मराठा आरक्षणाच्या नावाखाली काहींनी 100 कोटी रुपये उकळल्याची तक्रार शंभुराज देसाई यांच्याकडे केली. मनोज जरांगे यांच्या या संशयानंतर मराठा समाजात एकच खळबळ उडाली आहे.

राज्यात विधान परिषदेच्या निवडणुका सुरू आहे. काही भागात आचारसंहिता सुरू आहे. त्यामुळे बैठक बोलावून सुद्धा विषय घेता येत नाही. मराठा आरक्षणाबाबत काही मुद्दे तयार करण्यात आले आहे. तशी नोंदच करून ठेवली आहे. राज्य सरकारच्या मंत्रिमंडळाची बैठक मंगळवारी होणार आहे. या बैठकीत हे मुद्दे आपण सादर करणार आहोत. मुख्यमंत्री एकनाथ शिंदे यांच्यासमोर हे मुद्दे अवलोकनासाठी ठेवू. यानंतर त्यांचा अभिप्राय करून पुढील प्लॅन तयार मराठा आरक्षणाबाबत कार्यवाही करू, असे शंभुराज देसाई यांनी स्पष्ट केले.