Maratha Reservation : मनोज जरांगे पाटील यांच्या आझाद मैदानातील आंदोलनाची परवानगीची मुदत वाढविण्यात आली आहे. आजच्या (29 ऑगस्ट) आंदोलनाची परवानगीची मुदत संध्याकाळी 6 वाजता संपणार होती. त्याचवेळी आझाद मैदान पोलिसांनी नवे आदेश जारी करून आणखी एका दिवसांसाठी परवानगी देत असल्याचे मनोज जरांगे पाटील यांना कळवले. दुपारी मनोज जरांगे पाटील यांच्यावतीने आंदोलनाची परवानगी वाढवून मिळावी त्यासाठी पोलिसांना पत्र दिले होते.
मुख्यमंत्री देवेंद्र फडणवीस यांनीही परवानगीची मुदत वाढवून देण्यासाठी पोलीस सकारात्मक विचार करतील असे म्हणत सूचक वक्तव्य केले होते. त्याचवेळी मुदत वाढवून दिली जाणार हे जवळपास निश्चित झाले होते. आता नव्या आदेशानंतर मनोज जरांगे पाटील संध्याकाळी 7 वाजता माध्यमांशी संवाद साधून आंदोलकांना संबोधित करणार आहेत. यात ते काय बोलणार? याकडे सर्वांचे लक्ष लागले आहे.
आंदोलनाने मुंबई ठप्प :
मनोज जरांगे (Manoj Jarange) यांनी आझाद मैदानावर आंदोलन सुरु केले आहे. त्यांच्यासह मराठा समाजातील लाखो आंदोलक मुंबईत दाखल झाल्याने जनजीवन विस्कळीत झाले आहे. शहरातील मुख्य रस्त्यांवर प्रचंड वाहतूक कोंडी झाली आहे. छत्रपती शिवाजी महाराज टर्मिनन्स आणि इतर स्थानकांवरती मोठ्या प्रमाणात मराठा आरक्षण आंदोलक जमा झाल्याने मुंबईची लाईफलाईन समजली जाणारी लोकलही धिम्या गतीने धावत आहे.
याबाबत बोलताना मुख्यमंत्री देवेंद्र फडणवीस म्हणाले, मराठा आरक्षणाबाबत येत्या काळात न्यायालयाच्या निर्देशानुसार निर्णय घेण्यात येईल. त्याबाबत आरक्षण समितीची चर्चा सुरु आहे. जरांगे पाटील यांनी पोलिसांकडे आंदोलनासाठी वेळ वाढवून देण्याची परवानगी मागितली आहे. त्याबाबत कायद्याच्या चौकटीत राहून याबाबत सकारात्मक निर्णय घेतला जाईल. त्यामधून कायदेशीर मार्ग काढण्याची प्रक्रिया सुरु असल्याचेही फडणवीस (Devendra Fadnavis) यांनी स्पष्ट केले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
