नांदेड जिल्ह्यात चव्हाणांचाच बोलबाला; काॅंग्रेसने ५१ पैकी ३३ जागा जिंकल्या

नांदेड : जिल्ह्यातील नगरपंचायत निवडणुकीचे निकाल लागले असून पालकमंत्री अशोक चव्हाण यांचे वर्चस्व पुन्हा एकदा सिद्ध झाले आहे.( Congress) नगरपंचायतीच्या एकूण ५१ जागांपैकी तब्बल ३३ जागा काॅंग्रेसने जिंकल्या आहेत. (Ashok Chavan) तर भाजपला केवळ ३ जागांवर समाधान मानावे लागले. (Nanded) काही ठिकाणी शिवसेना, राष्ट्रवादीला माफक यश मिळाले आहे.

जिल्ह्यात नायगाव, अर्धापूर आणि महापूर या तीन नगरपंचायतीसाठी मतदान झाले होते. आज मतमोजणीनंतर नायगांव आणि अर्धापूर नगरपंचायतीत काॅंग्रेसने एकहाती सत्ता मिळवल्याचे स्पष्ट झाले. तर माहूर नगरपंचायतीत राष्ट्रवादीने सत्ता हस्तगत केली आहे.

नायगाव नगर पंचायतीमध्ये १७ पैकी १७ जागांवर काँग्रेसने दणदणीत विजय मिळवला. गेल्यावेळी इथे काॅंग्रेसला १३ जागा होत्या, यावेळी त्यात चारची वाढ झाली आहे.

अर्धापूर नगर पंचायत देखील १७ पैकी १० जागा जिंकत काँग्रेसने स्पष्ट बहुमत मिळवले आहे. गेल्या वेळी इथे काँग्रेसला दहा जागा होत्या.

माहूर नगर पंचायतीत मात्र काॅंग्रेसला धक्का बसला. १७ पैकी काँग्रेसला इथे ६ जागांवर विजय मिळवता आला. गेल्यावेळी इथे पक्षाला फक्त तीन जागा होत्या. तीन जागा वाढल्या असल्या तरी सत्ता मिळवण्यात काॅंग्रेसला इथे यश मिळालेले नाही.

इथे राष्ट्रवादीला ७ तर शिवसेनेला ३ जागा मिळाल्या आहेत. भाजपचा मात्र नांदेड जिल्ह्यात धुव्वा उडाला आहे. माहूरला १ व अर्धापूरला २ अशा जिल्ह्यात फक्त ३ जागा भाजपला जिंकता आल्या.