गंगाखेड : गंगाखेड विधानसभा मतदारसंघांमध्ये महायुतीने राष्ट्रीय समाज पक्षाचे उमेदवार डॉ. रत्नाकर गुट्टे यांना पुरस्कृत केले आहे. त्यामुळे गुट्टे यांचे पारडे जड झाले आहे. गुट्टे यांच्या प्रचाराचा झंझावात गंगाखेड, पूर्णा, पालमध्ये सुरू आहे. गंगाखेड विधानसभा मतदारसंघात गंगाखेड, पालम, पूर्णा या तीन तालुक्यांचा समावेश होतो.
मागील निवडणुकीत डॉ. रत्नाकर गुट्टे यांचा विजय झाला होता. डॉ. गुट्टे यांनी गंगाखेड तालुक्यात साखर कारखाना उभा केला, याचा फायदा आ. डॉ. रत्नाकर गुट्टे यांना झाला होता. अडीच वर्ष सत्ताधारी पक्षाचे डॉ. गुट्टे आमदार राहिले. त्यामुळे गंगाखेड तालुक्यात विकास निधी खेचून आणण्यात त्यांना यश मिळाले.
मतदारसंघातील विकास, त्यांचा दांडगा जनसंपर्क व सध्याच्या काळातील मतदारांच्या गाठीभेटी या गोष्टी त्यांच्यासाठी सकारात्मक असल्याचे चित्र मतदारसंघात दिसत आहे. डॉ. रत्नाकर गुट्टे हे मतदारसंघातील मतदारांच्या प्रत्यक्ष गाठीभेटी घेत आहेत. सभेच्या माध्यमातून आपला जाहीरनामा सांगत आहेत. पालम, पूर्णा, गंगाखेड या तीन तालुक्यात गुट्टे यांचा जोरदार प्रचार सुरू आहे. ठिकठिकाणी नागरिकांचा त्यांना चांगला प्रतिसाद मिळत आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.