Kailas Gorantyal : त्या दोघांना समजावून सांग, माझी नाराजी चांगली नाही ; आमदाराने धमकावले

जालना : जिल्ह्या्तील राणीउंचेगाव ग्रामपंचायती मार्फत होणाऱ्या विकासकामांमध्ये मोठ्या प्रमाणात भ्रष्टाचार झाल्याची तक्रार काही माहिती अधिकार कार्यकर्त्यांनी केली होती. (Jalna) याची माहिती मिळताच काॅंग्रेस आमदार कैलास गोरंट्याल यांनी एका मध्यस्थामार्फत तक्रारदारांना धमकावले. (Mla Kailas Gorantyal News)

माहिता अधिकारात माहिती मागवून तुम्हाला पैसे मिळणार नाहीत. (Congress) शिवाय गावचा सरपंच माझा मित्र आहे आणि तो खतरनाक आहे. तुम्हाला कुठे मारून फेकेल कळणार नाही. माझी नाराजी तुमच्यासाठी नाही, अशा शब्दात गोरंट्याल (Kailas Gorantyal) यांनी धमकावल्याचा आॅडिओ देखील व्हायरल झाला आहे.

संबंधित माहिती अधिकार कार्यकर्त्यांनी या धमकी प्रकरणी अंबड पोलीस ठाण्यात आमदार कैलास गोरंट्याल यांच्याविरोधात तक्रार दाखल केली आहे. या तक्रारीत नमूद केल्याप्रमाणे राणीउचेगांव येथील ग्रामपंचायत निधीतून कोट्यावधीचा भ्रष्टाचार झाल्याचेर अंकुश व मंजुषा चव्हाण यांनी उघड केले होते.

तसेच दोषी अधिकारी, पदाधिकाऱ्यांवर घनसांवगी पंचायत समितीच्या गटविकास अधिकाऱ्यांकडून कारवाई प्रस्तावित आहे. या प्रकरणात सामाजिक कार्यकर्ते देवा चित्राल यांनी संबंधितांना मदत केली होती. याची माहिती मिळताच आमदार गोरंट्याल यांनी देवा चित्राल यांना फोनवरून धमकावले.

तु शिक्षक आहेस या भानगडीत पडू नको, तुझे काम कर. त्या अंकुश चव्हाण, दिनेश उघडे यांनाही समजावून सांग. तो सरंपच माझा मित्र आहे, तो खतरनाक असून तुम्हाला कुठेही मारून फेकेल. माहिती अधिकारात माहिती मागवून तुम्हाला पैसे मिळणार नाहीत. अशा कामांनी मी नाराज होतो, माझी नाराजी तुमच्यासाठी चांगली नाही, असे गोरट्यांल यांनी चित्राल यास फोनवरून सांगितले.

दरम्यान, या धमकीनंतर गावातील सरंपचाकडून आपल्या जीवाला धोका असल्याचे सांगत अंबड पोलीस ठाण्यात आमदार गोरंट्याल यांच्या विरोधात धमकावल्याची तक्रार दाखल करण्यात आली आहे. अॅड. आशा गाडेकर, अंकुश चव्हाण, दिनकर उघडे, लक्ष्मण बोंबले, भगवान रेगुडे, प्रल्हाद दहिभाते,डाॅ.तौर, सुरेखा पाटील, देवा चत्राल यांच्यावतीने ही तक्रार दाखल करण्यात आली आहे.