Manoj Jarange On Dhananjay Munde : 'खेटू नको, तरी खेटले, आता बघतोच'; जरांगेंचा मंत्री मुंडेंना ललकारत 'लफडी' बाहेर काढण्याचा इशारा

Mumbai News : बीडमधील सरपंच संतोष देशमुख यांच्या हत्येच्या निषेधासाठी परभणीत काढण्यात आलेल्या मोर्चात मराठा आरक्षणासाठी लढणारे नेते मनोज जरांगे यांनी मंत्री धनंजय मुंडे यांच्यावर ऐकरी टीका केली होती.

यानंतर मनोज जरांगेंविरोधात काही पोलिस ठाण्यात गुन्हे दाखल झाले. आता जालना इथं काढण्यात आलेल्या मोर्चात, मनोज जरांगे यांनी पुन्हा एकदा मंत्री मुंडेंना ललकारलं आहे. त्यामुळं जरांगेविरुद्ध मंत्री मुंडे यांच्यातील संघर्ष तीव्र होणार, अशी चर्चा आहे.

संतोष देशमुख हत्येच्या निषेधासाठी जालना इंथ आज जनआक्रोश मोर्चा काढण्यात आला. त्या मोर्चा मनोज जरांगे यांनी हजेरी लावून तब्येत ठीक नसल्याने ते पुढं उपचारासाठी छत्रपती संभाजीनगरकडे रवाना झाले. तत्पूर्वी त्यांनी माध्यमांशी संवाद साधताना, मंत्री धनंजय मुंडेंवर (Dhananjay Munde) संताप व्यक्त केला.

"धनंजय मुंडे जातीयवाद निर्माण करायचा आहे. प्रतिमोर्चे काढण्यासाठी ते प्रोत्साहन देत आहे. पण आम्ही गरीबाच्या लेकरांसाठी लढत आहोत, हे ओबीसींना (OBC) माहीत आहे. ते जातीय तेढ निर्माण करत असून, लाभार्थी टोळीला आमच्याविरोधात बोलायला लावत आहेत. पण धनंजय मुंडे यांचे परळी ते मुंबई बरेच लफडे आहेत. त्यांना 25 तारखेनंतर कायदेशीर बघणार. त्यांना सांगितले होते खेटू नका, ते खेटले, मग आता त्यांना बघतोच", असा इशारा मनोज जरांगेंनी दिला.

मंत्री धनंजय मुंडे हे कोणत्या जातीचे नाही, तर सरकारचे मंत्री आहेत. ते ओबीसीचे पांघरूण घेत आहे. धनंजय देशमुख यांना तुम्ही पोलिस ठाण्यात धमकी देतात, आणि आम्ही गुंडावर बोलायचे नाही का? तुम्हाला आमचे लोक कापायचे आहे का? असा सवाल करत मनोज जरांगेंनी संताप व्यक्त केला.

संतोष देशमुख यांची हत्या होऊन एक महिना झाला. तरी सर्व आरोपींना अटक झालेली नाही. राजकीय वरदहस्त असल्याशिवाय हे हेऊ शकत नाही. एवढं होऊन देखील त्यांना पोसणारे मंत्री म्हणून फिरत आहे. यामुळे पोलिस प्रशासन आणि गृह विभागावर संशय जालनामधील मोर्चातील आंदोलकांनी व्यक्त केला.