Bajrang Sonawane on Dhananjay Munde : बीडमधलं राजकारण टोकाला; धनंजय मुंडेंना राक्षस, रावण म्हटल्यानंतर आता थेट भुताची उपमा!

Parli Vidhansabha Election 2024 : परळी विधानसभा मतदारसंघात सध्या राजकीय वातावरण कमालीचं तापलं आहे. राष्ट्रवादी काँग्रेस शरदचंद्र पवार पक्षाचे खासदार बजरंग सोनवणे यांनी राष्ट्रवादी काँग्रेसचे उमेदवार धनंजय मुंडे यांच्यावर जोरदार टीका केली असून, त्यांना आता चक्क भुताची उपमा दिली आहे.

विधानसभा निवडणुकीसाठी अवघ्या काही दिवसांचा कालावधी शिल्लक राहिला आहे. त्यामुळे निवडणुकीचा प्रचार शिगेला पोहचला आहे. या निवडणुकीसाठी महायुती व महाविकास आघाडीने जोर लावला आहे. त्यातच महायुती आणि महाविकास आघाडीचे(MVA) नेतेमंडळी एकमेकांवर आरोप करण्याची एकही संधी सोडत नाहीत.

परळी विधानसभा निवडणुकीच्या रिंगणात महायुतीकडून कृषी मंत्री धनंजय मुंडे निवडणूक रिंगणात उतरले आहेत. तर त्यांच्याविरोधात शरद पवारांनी(Sharad Pawar) मराठा उमेदवार म्हणून काँग्रेसच्या जिल्हाध्यक्षपदावरील राजेसाहेब देशमुख यांना आपल्या पक्षात घेत उमेदवारी दिली आहे.

त्यामुळे आतापरळी मतदारसंघात महायुतीविरुद्ध महाविकास आघाडी अशी लढत होत आहे. त्यामुळे सर्वांचे लक्ष परळीतील निवडणुकीकडे लागले आहे. तर काही दिवसआधी प्रचारसभेत बोलताना धनंजय मुंडे यांनी कमळच हाती घेतले असते तर बरे झाले असते, असे वक्तव्य भाजप (Bjp) नेत्या, विधान परिषदेच्या आमदार पंकजा मुंडे यांनी केलं होतं.

बजरंग सोनवणे(Bajrang Sonawane) यांनी परळीतील जनतेला उद्देशून म्हटलं आहे की, परळी विधानसभा मतदारसंघात दादागिरी सुरू आहे. मात्र बजरंग सोनवणे तुमच्यासोबत आहे, तुम्ही घाबरू नका. कुणी तुमच्यावर वाकड्या नजरेने आला तर मी दुसऱ्या मिनिटाला तुमच्याकडे येतो.

तर याआधी बजरंग सोनवणेंनी धनंजय मुंडेंना(Dhananjay Munde) राक्षस आणि रावण ही उपमा देखील दिली होती. त्यानंतर त्यांनी आता म्हटले की, तिकडे परळी अंबाजोगाईत बघू काय ते, आम्ही आमच्या केज मतदारसंघात ते भूत येऊ देत नाही. परळी विधानसभेतील अंबाजोगाईत एवढी दादागिरी येऊ दिल नाही. आता आम्हाला ही भीती आहे की हे भूत केज मतदारसंघात कधी शिरतं, त्यामुळे आम्ही तिथून सुद्धा त्याला हद्दपार करून टाकलं आहे आणि आता इथेही तुम्ही हद्दपार करणार.

(Edited by - Mayur Ratnaparkhe)