Sambhaji Nagar Dangal : छ. संभाजीनगर दंगलीची पूर्वकल्पना होती? ; 'एसआयडी'च्या अहवालात धक्कादायक खुलासे!

Sambhaji Nagar News : छत्रपती संभाजीनगर येथील दंगलीप्रकरणी आता मोठी माहीती समोर येत आहे. दंगलसदृश्य घटनेची एसआयडीने (गुप्त वार्ता विभाग) दंगल घडण्याआधीच सूचना दिली होती. शहराचं नामांतर आणि हिंदू मोर्चामुळे शहरात अस्वस्थता पसरल्याचे अहवाल, एसआयडीने दिला होता. या अहवालात आणखी गोष्टी नमूद करण्यात आले आहेत. एका मराठी वृत्तवाहीनीने एसआयडी अहवालाबात वृत्त दिलं आहे.

ज्या परिसरात दंगल घडली, त्या संबंधित परिसराचा उल्लेख एसआयडीच्या या अहवालात आधीच करण्यात आला होता. आणि शहर पोलिसांना त्याची सविस्तर माहिती दिली गेली होती. या अहवालात असा दावा करण्यात आला होता की, जिथे दंगल घडली , तिथे खबरदारी घेण्याची गरज आहे. संबंधित ठिकाणी जास्त बंदोबस्त लावण्याची गरज आहे. कारण या विशिष्ट ठिकाणी नामांतरानंतर आणि हिंदू जनजागरण मोर्चा निघाल्यानंतर या ठिकाणी जास्त अस्वस्थता आहे. म्हणून या ठिकाणी जास्त लक्ष देणे आवश्यक आहे , असे अहवालात नमूद करणयात आले होते.

या अहलवालानुलार काही प्रमाणात या ठिकाणी बंदोबस्त लावण्यात आला होता. मात्र तो पुरेसा नव्हता. हे आता तपासात समोर येत आहे, त्याच बरोबर ज्यावेळी दंगल घडली, त्यावेळी पोलिसांनी जी तत्परता दाखवायला पाहिजे होती, तो कमी पडला. वेळेवर योग्य पावले उचलली असती किंवा अतिरिक्त पोलीस तिथे पाचारण केले असते तर यावर पोलिसांना वेळीच नियंत्रण मिळवता आलं असतं आणि एवढी मोठी दंगल घडली नसती, असंही म्हंटलं जातंय.

नामांतर आणि हिंदू जनजागरण मोर्चा या दोन गोष्टीमुळे जे नामांतरविरोधी लोक होते, त्यांच्यामध्ये अंडररेस्ट होता. त्यांनी काही बैठका घेतल्या होत्या. ज्या बैठकामध्ये आपण शांत राहायचं नाही, आपण प्रत्युत्तर द्यायचं, अशा प्रकारची भावना होती. या बैठकीचा माहिती एसआयडीला मिळाली होती. त्या अनुषंगाने जर काही घडलं तर, त्याला दंगलीचं स्वरूप येऊ शकतं, याबद्दलची माहिती दिली गेली, असं एसआयडीने सांगितले होते.