Gram Panchayat Election Result 2023 : कऱ्हाड उत्तरेत बाळासाहेब पाटलांचे वर्चस्व; आठ ग्रामपंचायतीत राष्ट्रवादीची सत्ता

-हेमंत पवार

Maharashtra Election Result 2023 : कऱ्हाड (जि. सातारा ) तालुक्यातील १२ ग्रामपंचायतींच्या निवडणुकांचे निकाल आज जाहीर झाले. त्यामध्ये कऱ्हाड उत्तरमध्ये राष्ट्रवादी काँग्रेसने जोरदार मुसंडी मारली. १२ पैकी आठ ग्रामपंचायतींवर राष्ट्रवादी कॉंग्रेसने विजय मिळवला आहे.

कऱ्हाड तालुक्यातील Karad Taluka बारा ग्रामपंचायतींची मतमोजणी सोमवारी सकाळी प्रशासकीय इमारतीत तहसीलदार विजय पवार यांच्या उपस्थितीत झाली. या वेळी कऱ्हाड उत्तरमधील सर्वच ग्रामपंचायतींवर राष्ट्रवादी कॉंग्रेसच्या आमदार बाळासाहेब पाटील Balasaheb Patil समर्थकांच्या पॅनेलने निर्विवाद वर्चस्व मिळवले.

कऱ्हाड दक्षिणेतील चार ग्रामपंचायतींपैकी तीन ग्रामपंचायतींवर माजी मुख्यमंत्री आमदार पृथ्वीराज चव्हाण व काँग्रेसचे युवा नेते उदयसिंह पाटील यांनी आपली सत्ता कायम ठेवली आहे, तर भाजपचे नेते अतुल भोसले यांनी रेठरे बुद्रुक येथील भाजपची सत्ता कायम ठेवत सर्वच अठरा जागांवर विजय मिळवला आहे.

Maharashtra Political News

कऱ्हाड दक्षिणमधील तीन ग्रामपंचायतीत काँग्रेसने यश मिळवले असून, भाजपला केवळ एका ग्रामपंचायतीत विजय मिळवत आला आहे. आजच्या निकालात कराड तालुक्यात खासदार शरद पवार गट राष्ट्रवादी व काँग्रेसचे नेते पृथ्वीराज चव्हाण यांच्या गटाचे वर्चस्व पाहायला मिळाले असून, महाविकास आघाडीची ताकत कायम असल्याचे चित्र आहे.

Edited By : Umesh Bambare