Congress first list: कोल्हापूर दक्षिणमधून ऋतुराज पाटील यांना उमेदवारी; पण धंगेकरांनी शेअर केलेली पहिली यादी डिलीट

Congress announced Ruturaj Patil candidate from Kolhapur South:साकोली मतदारसंघातून पक्षाचे प्रदेशाध्यक्ष नाना पटोले, ब्रह्मपुरीमधून विजय वडट्टीवार, संगमनेरमधून बाळासाहेब थोरात, कराड दक्षिण मधून पृथ्वीराज चव्हाण यांच्यासह पंधरा उमेदवारांची नावे या यादीमध्ये आहेत.

Congress Sarkarnama

Published on:

18 Oct 2024, 8:52 am IST

Updated on:

18 Oct 2024, 8:52 am IST

Kolhapur News: आगामी विधानसभा निवडणुकीच्या पार्श्वभूमीवर महाविकास आघाडीतील जागा वाटपावर अजूनही एकमत झालेले नाही. जवळपास 218 जागांवर एकमत झाले असून उरलेल्या सात जागांवर अद्याप महाविकास आघाडीतील वरिष्ठ नेत्यांचे बैठकीचे सत्र सुरू आहे.

काँग्रेसकडून पहिली यादी जाहीर करण्यात आली आहे. या उमेदवारांची पहिली यादी पुण्यातील आमदार आणि काँग्रेसचे नेते रवींद्र धंगेकर यांनी आपल्या सोशल मीडिया पेजवरून व्हायरल केली होती. मात्र काही क्षणातच त्यांनीही पोस्ट डिलीट केली.

या यादीमधून राज्यातील 15 मतदारसंघातील उमेदवारांची नावे काँग्रेसने जाहीर केली आहेत. मात्र अधिकृत काँग्रेसकडून कोणतीच माहिती आली नाही. मात्र धंगेकरांनी ही पोस्ट व्हायरल केल्यानंतर एकच खळबळ उडाली आहे.

काँग्रेसने राज्यातील पहिल्या 15 उमेदवारांची नावे या यादीमध्ये जाहीर केली आहेत. साकोली मतदारसंघातून पक्षाचे प्रदेशाध्यक्ष नाना पटोले, ब्रह्मपुरीमधून विजय वडट्टीवार, संगमनेरमधून बाळासाहेब थोरात, कराड दक्षिण मधून पृथ्वीराज चव्हाण यांच्यासह पंधरा उमेदवारांची नावे या यादीमध्ये आहेत.

Heena Gavit: आमदार-खासदार पिता-पुत्राचा 'गेम' करण्यासाठी माजी खासदार विधानसभेच्या मैदानात

कोल्हापूर जिल्ह्यातील दहा पैकी पाच विधानसभा मतदारसंघ काँग्रेस आपल्याकडे घेण्याच्या तयारीत आहेत. कोल्हापूर उत्तर कोल्हापूर दक्षिण करवीर आणि हातकलंगले हा मतदारसंघ काँग्रेसकडे राहणार असल्याची शक्यता आहे.

कोल्हापूर उत्तर विधानसभा मतदारसंघातील सस्पेन्स कायम आहे. असाच कोल्हापूर दक्षिण मधून आमदार ऋतुराज पाटील यांना उमेदवारी देण्यात आली आहे. रवींद्र धंगेकर यांनी व्हायरल केलेल्या यादीमध्ये कोल्हापूर जिल्ह्यातून एकमेव आमदार ऋतुराज पाटील यांचे नाव आहे. पहिल्या यादीत ऋतुराज पाटील यांचे नाव असल्याने संबंधित पोस्ट कोल्हापूर जिल्ह्यात प्रचंड व्हायरल होत आहे.