Hasan Mushrif : निवडणुकीच्या तोंडावर मुश्रीफ टार्गेट; इचलकरंजीतील पाणी प्रश्न पेटणार

Ichalkaranji Surkul Water Scheme : इचलकरंजीचा सुरकुळ पाणी योजनेवरून पुन्हा एकदा राजकीय वातावरण ढवळणार असल्याचे चित्र आहे. शहरासाठी मंजूर असणारी पाणी प्रश्न योजना ताबडतोब राबवावी या मागणीवरून शहरवासी व आक्रमक झाले. कोल्हापूरचे पालकमंत्री हसन मुश्रीफ आज इचलकरंजी दौऱ्यावर असताना सुरकुळ कृती समितीने त्यांना काळे झेंडे दाखवण्याची तयारी ठेवली होती. त्यावरून मोठा तणाव निर्माण झाला. मात्र पोलिसांनी आंदोलन करताना ताब्यात घेऊन आंदोलनाच्या पूर्वीच राष्ट्रवादीचे मदन कारंडे आणि लालबावट्याचे सदा मलाबादे या दोघांना पोलिसांनी अटक केली.

इचलकरंजी शहराला पाणीपुरवठा करण्यासाठी राज्य सरकारने सुळकुड पाणी योजनेला परवानगी दिली होती. मात्र ही सुळकुड योजना राबवणे यासाठी कागलच्या लोकप्रतिनिधी सह जनतेने विरोध दर्शवला होता. आगामी विधानसभा निवडणुकीच्या तोंडावर अनेकांनी कागल विधानसभा मतदारसंघातील लोकप्रतिनिधी सह नागरिकांनी या योजनेला विरोध केला. त्यामुळे ही योजना रखडली आहे.

इचलकरंजी (Ichalkarnji) शहरात ही योजना ताबडतोब चालू करावी. या मागणीसाठी वारंवार पाठपुरावा करूनही शासन दुर्लक्ष करत आहे. त्यामुळे संतापलेल्या इचलकरंजीतील सुळकुड पाणी योजना कृती समितीच्यावतीने पालकमंत्री हसन मुश्रीफ यांना काळे झेंडे दाखवण्याची तयारी ठेवली होती. मात्र पोलिसांनी हा प्रयत्न हाणून पाडला.

आंदोलनासाठी राजाराम स्टेडियम परिसरात जमलेल्या आंदोलकांना पोलिसांनी घेराव घालून ताब्यात घेतले. यावेळी आंदोलकांनी रक्तपाथाची भाषा करणाऱ्या हसन मुश्रीफ यांच्या विरोधात तीव्र घोषणाबाजी करण्यात आली. यावेळी आंदोलन आणि पोलिसांच्या शाब्दिक वादावादी आणि झटापट झाले. त्यानंतर पोलिसांनी (police) आंदोलकांना ताब्यात घेतले. काँग्रेसचे राहुल खंजिरे, स्वाभिमानीचे विकास चौगुले, नागरिक मंचेचे अभिजीत पटवा, शिवसेनेचे सयाजी चव्हाण यांच्यासह अन्य नागरिक उपस्थित होते.