Rajiv Gandhi Birth Anniversary: 31 वर्षांत पहिल्यांदाच दिवंगत आमदार पी एन पाटलांविना सद्भावना दौड...

माजी पंतप्रधान राजीव गांधी यांच्या जयंतीनिमित्त कोल्हापुरात आयोजित होणारी सद्भावना दौड आणि आमदार पी. एन. पाटील हे समीकरण नित्याचेच बनले आहे. अखंडितपणे 31 वर्ष ही सद्भावना दौड कोल्हापुरातून दसरा चौक ते विसपूर येथील राजीव गांधी सूतगिरणी इथपर्यंत पोहोचते. मात्र या 31 वर्षात यंदा पहिल्यांदाच दिवंगत आमदार पी एन पाटील यांच्या विनाच ही सद्भावना दौड पार पडली. अत्यंत साध्या पद्धतीने ही दौड आज रवाना झाली.

माजी पंतप्रधान स्वर्गीय राजीव गांधी यांच्या जयंतीच्या निमित्ताने दरवर्षी कोल्हापुरात सद्भावना दौड आयोजित केली जाते. काँग्रेसचे (Congress) दिवंगत आमदार पी. एन.पाटील हे सद्भावना दौडचे आयोजन करत असत. मात्र 31 वर्षात पहिल्यांदाच पी. एन. पाटील (P N Patil) यांच्या अनुपस्थित ही दौड पार पडली. खासदार शाहू महाराज आणि आमदार ऋतुराज पाटील यांच्या हस्ते या दौडला सुरूवात झाली.

कोल्हापूरच्या दसरा चौकातून सुरू झालेली ही दौड इस्पुर्ली येथील राजीव गांधी सूतगिरणीपर्यंत गेली. त्याठिकाणी फोटो पूजन करून सद्भावना दौडची सांगता झाली. आज दिवंगत आमदार पी.एन. पाटील यांची उणीव भासत असून त्यांनी सुरू केलेली ही दौड अखंडपणे सुरू ठेवणार असल्याचं पी एन पाटील यांचे सुपुत्र राहुल पाटील यांनी म्हटले आहे.

यंदा प्रथमच 31 वर्षात दिवंगत आमदार पी एन पाटील यांची कमी या सद्भावना दौड मध्ये जाणवत आहे. काँग्रेस विचार महत्त्वाचा आहे. त्यांनी तो विचार आजवर जिल्ह्यात टिकवला आहे. काँग्रेसचे विचार टिकून राहण्यासाठी असे कार्यक्रम अखंडपणे सुरू ठेवलं जातील असे मत आमदार ऋतुराज पाटील (Ruturaj Patil) यांनी व्यक्त केले.