Narendra Modi : 'नरेंद्र मोदींनी फोन केला अन् म्हणाले मराठीतून बोलू की...', उज्ज्वल निकमांनी सांगितला किस्सा

Ujjwal Nikam News: जेष्ठ वकील उज्ज्वल निकम यांची राष्ट्रपती नियुक्त खासदार म्हणून निवड करण्यात आली आहे. या निवडीनंतर निकम यांनी पत्रकार परिषद घेत आपल्या भावना व्यक्त केल्या. त्यांनी सांगितले की 'काल (शनिवारी) मला पंतप्रधान नरेंद्र मोदी यांचा फोन आला होता. मराठीत बोलू की हिंदीत बोलू असे ते म्हटले. मी त्यांना तुमचे दोन्ही भाषेवर प्रेम आहे असे म्हटले.' त्यानंतर त्यांनी माझ्याशी मराठीतून संवाद साधला.

निकम म्हणाले, पंतप्रधान मोदी यांनी माझ्याशी मराठी संभाषण केले. ते म्हणासे राष्ट्रपती महोदय तुमच्यावर एक महत्त्वाची जबाबदारी सोपवू इच्छितात. आणि तुम्ही ही जबाबदारी देशाच्या दृष्टिकोनातूनचांगली सांभाळाला याच्या मी तुम्हाला शुभेच्छा देतो.

खरचं पंतप्रधान बोलत आहे का? याची मला शंका होती. कारण तुम्हाला नेमणार आहेत, अशी कुठलीही चर्चा नव्हती, पार्श्वभूमी नव्हती. त्यामुळे सुखद धक्का काल बसला. आणि आजही ती बातमी आली आहे. जळगावही माझी जन्मभूमी. 93 खटल्याच्या निमित्ताने मी मुंबईला आले आणि खटल्याच्या निमित्ताने महाराष्ट्रही माझी कर्मभूमी झाली. आता राज्यसभा सदस्य झाल्याने संपूर्ण देश माझी कर्मभूमी होईल, असे देखील उज्ज्वल निकम म्हणाले.

चार जणांना खासदारकीची संधी

राष्ट्रपती नामनिर्देश खासदार म्हणून उज्ज्वल निकम यांच्यासोबत माजी पराराष्ट्र सचिव हर्षवर्धन श्रृंगला , इतिहासकार डॉ. मीनाक्षी जैन, शिक्षणतज्ज्ञ सी. सदानंदन मास्टर यांची नियुक्ती करण्यात आली आहे. राज्यसभेत राष्ट्रपतींकडून विविध क्षेत्रातील 12 तज्ज्ञांची नामनिर्देश सदस्य म्हणून नियुक्ती करण्यात येत असते.