Poonam Mahajan : गोपीनाथ मुंडे यांच्या घात की अपघात?, पूनम महाजन यांचं मोठं विधान, म्हणाल्या, '...षडयंत्र'

Poonam Mahajan News : भाजपच्या माजी खासदार, प्रमोद महाजन यांच्या कन्या पूनम महाजन यांनी प्रमोद महाजन यांच्या हत्येमागे षडयंत्र असल्याचे म्हटले होते. गोपीनाथ मुंडे यांचा देखील अपघाती मृत्यू झाला होता.त्यामुळे त्याच्या मागे देखील षडयंत्र होते का? असा प्रश्न पूनम महाजन यांना 'साम टिव्ही'ने घेतलेल्या मुलाखतीमध्ये विचारण्यात आला.

या प्रश्नाला उत्तर देताना पूनम महाजन म्हणाल्या, गोपीनाथ मुंडे यांच्या जाण्यामागे षडयंत्र आहे, असे मला वाटत नाही. बाबा गेल्यानंतर मामा आहेत असे मला वाटत होते. माझ्या शपथविधीला ते असतील असे देखील मला वाटत होते. पण तीन तारखेला त्यांचे निधन झाले आणि चार तारखेला माझा शपथविधी झाला,असे देखील पूनम महाजन म्हणाल्या.

2014 ला ते बीडमधून निवडणूक लढत होते. त्याच वेळी मी देखील निवडणूक लढत होते. त्यांना माझी काळजी होती. त्यामुळे ते विचारत होते. पण मी त्यांना सांगितले काळजी करू नका मी जिंकेल, असे देखील पूनम महाजन म्हणाल्या.

तीन वर्षापूर्वीच बोलले...

पूनम महाजन यांनी निवडणुकीच्या काळात प्रमोद महाजन यांच्या हत्येप्रकरणात षडयंत्र असल्याचे बोलत असल्याचे म्हटले जात आहे, या प्रश्न पूनम म्हणाल्या की, मी या विषयावर तीन वर्षांपूर्वीच बोलले होते. त्यावेळी मीडियाने ते दाखवले नाही. मात्र, मी आत्ता यावर बोलून त्याचे निवडणूकीत काही प्लस मायनस होणार नाही.

प्रमोद महाजन यांच्य हत्येच्या षडयंत्राची चौकशी करण्याची मागणी गृहमंत्र्यांना पत्र लिहून करणार आहे. या प्रकरणाची चौकशी व्हावी अशी मागणी केली तर प्रत्येक पक्षाचे त्याला समर्थनच असेल, असे पूनम महाजन म्हणाल्या.

नामंतरासाठी बाबा जेलमध्ये गेले

पूनम महाजन (Poonam Mahajan) म्हणाल्या, रामदास आठवले यांच्याशी गप्पा मारताना ते नेहमी सांगत असतात की मराठवाडा विद्यापीठाला बाबासाहेबांचे नाव देण्यासाठी जेलमध्ये जेणारे पहिली व्यक्ती प्रमोद महाजन होते.