सुधागड तालुक्यात सध्या भारतीय जनता पार्टी आणि राष्ट्रवादी काँग्रेस (अजित पवार गट) यांची युती आहे. ॲड. नीलिमा पाटील या स्वतः जिल्हा परिषदेच्या माजी अध्यक्षा आहेत. भाजप जिल्हाध्यक्ष तथा खासदार धैर्यशील पाटील यांच्या पत्नी असल्याने ही निवडणूक खासदारांच्या प्रतिष्ठेचा विषय ठरली आहे. भाजप आणि राष्ट्रवादीचे नेते तसेच कार्यकर्ते नीलिमा पाटील यांच्या विजयासाठी एकवटले आहेत. निवडणुकीच्या मैदानात त्यांनी जोरदार मोर्चेबांधणी सुरू केली आहे.
या निवडणुकीत सत्तेतील भाजप-राष्ट्रवादी युती विरोधात मनसे आणि वंचित बहुजन आघाडी वगळता इतर सर्व प्रमुख पक्ष एकत्र आले आहेत. त्यामुळे जांभूळपाडा मतदारसंघातील ही लढाई अत्यंत चुरशीची होणार असल्याचे चित्र दिसत आहे. पंतप्रधान नरेंद्र मोदी आणि मुख्यमंत्री देवेंद्र फडणवीस यांच्या नेतृत्वाखाली देश व राज्याने विकासाचा आलेख उंचावला आहे. जनता या विकासाला साथ देत भाजपला पुन्हा कौल देईल आणि या निवडणुकीतही भाजप आपले वर्चस्व प्रस्थापित करेल," असा विश्वास खासदार धैर्यशील पाटील यांनी यावेळी व्यक्त केला.
उमेदवारी अर्ज दाखल करताना भाजपचे रायगड जिल्हाध्यक्ष खासदार धैर्यशील पाटील, नेते प्रकाश देसाई, गीता पालरेचा, ज्योत्स्ना देसाई, सतीश देसाई, जिल्हा उपाध्यक्ष आलाप मेहता, अशोक कांबळे, सुधागड तालुका अध्यक्ष श्रीकांत ठोंबरे, विठ्ठल सिंदकर, आरिफ मणियार, मनोहर नाना देशमुख, ॲड. सुभाष पाटील आदी उपस्थित होते.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.