Santosh Deshmukh : अश्विनी देशमुखांचा CID समोर धक्कादायक जवाब; विष्णू चाटे अन् वाल्मिक कराडने महिन्याभरापूर्वीच...

Santosh Deshmukh Murder Case Latest Update : संतोष देशमुख यांच्या हत्येपूर्वी नोव्हेंबर महिन्यात त्यांना जीवे मारण्याची धमकी आली होती, त्यामुळे महिनाभरापासून ते अस्वस्थ होते, असा जवाब अश्विनी देशमुख यांनी सीआयडी पथकाकडे नोंदवला आहे.

Santosh DeshmukhSarkarnama

Published on:

13 Jan 2025, 12:01 pm IST

Updated on:

13 Jan 2025, 12:01 pm IST

Beed News: सीआयडीनं सरपंच संतोष देशमुख यांच्या हत्येप्रकरणी तपासाला वेग दिला आहे. संतोष देशमुख यांच्या पत्नी अश्विनी देशमुख यांचा जवाब केंद्रीय गुन्हे अन्वेषण विभागाने (सीआयडी) नोंदवला आहे. यात अश्विनी देशमुख यांनी खळबळजनक माहिती सीआयडीला सांगितली आहे.

संतोष देशमुख यांच्या हत्येपूर्वी नोव्हेंबर महिन्यात त्यांना जीवे मारण्याची धमकी आली होती, त्यामुळे महिनाभरापासून ते अस्वस्थ होते, असा जवाब अश्विनी देशमुख यांनी सीआयडी पथकाकडे नोंदवला आहे. विष्णू चाटे आणि वाल्मिक कराड यांनी ही धमकी दिल्याची धक्कादायक माहिती अश्विनी देशमुख यांनी दिली.

संतोष देशमुख यांच्या हत्येप्रकरणात वाल्मिक कराड याला मोक्का लावा, फरार आरोपी कृष्णा आंधळे याला अटक करा, या मागणीसाठी संतोष देशमुख यांचे बंधू धनंजय देशमुख यांनी मस्साजोग येथे पाण्याच्या टाकीवर चढून आंदोलनास सुरुवात केली.

PM Kisan Yojana: निर्मला सीतारमण शेतकऱ्यांचा 'सन्मान' वाढणार; बजेटमध्ये बुस्टर डोस...

मराठा आंदोलक मनोज जरांगे पाटील यांनी धनंजय देशमुख यांनी फोन करून पाण्याच्या टाकीवरून खाली येण्याची विनंती केली आहे. पण धनंजय देशमुख हे टाकीवर आंदोलन करीत आहे. त्यांची प्रकृती खालावली असल्याचे ते टाकीवर झोपले आहेत.

Torres Investment Scam: मुंबईकरांना कोट्यवधींना गंडवणाऱ्या 'टोरेस' वरील छाप्यानंतर पोलिस आयुक्तांनी दिला मोठा आदेश

धनंजय देशमुख यांच्यासह पाण्याच्या टाकीवर तीन जणांची आंदोलन सुरु केली आहे. मस्साजोग ग्रामस्थ आक्रमक झाले आहेत, धनंजय देशमुख त्यांचे साडू दादा खिंडकर व अन्य एक जण पाण्याच्या टाकीवर चढले आहेत.