Satej Patil: मधुरिमाराजेंची माघार, सतेज पाटील कार्यकर्त्यांसमोर रडले

Kolhapur News: कोल्हापूर उत्तरमधून काँग्रेसच्या अधिकृत उमेदवार मधुरिमाराजे यांनी माघार घेतली. त्यामुळे संतप्त झालेल्या सतेज पाटील आणि शाहू महाराज यांच्यात टोकाचे वाद झाले. त्यात कार्यकर्त्यांसमोर बोलताना सतेज पाटील यांनी अश्रु अनावरण झाले.

कार्यकर्त्यांसमोर बोलताना माईक बाजुला करून सतेज पाटील यांनी डोळ्यांना हात लावत आपला हुंदका आवरण्याचा प्रयत्न करत होते. सतेज पाटील यांची ही अवस्था पाहून कार्यकर्त्यांनी आपल्याला खचायचं नाही लढायचं अस म्हणत ढाण्या वाघाचा, सतेज पाटलांचा विजय असो, अशा घोषणा दिल्या.

मधुरिमाराजे यांच्या माघारीनंतर काँग्रेसचा अधिकृत उमेदवार कोल्हापूर उत्तर मतदारसंघात असणार नाही. मात्र, मधुरिमाराजे यांनी उमेदवारी मागे घेताच काँग्रेस प्रदेशाध्यक्ष नाना पटोले यांनी मोठी घोषणा करत काँग्रेसने आधी उमेदवारी दिलेले अपक्ष उमेदवार राजेश लाटकर यांना पाठींबा जाहीर केला आहे.

दम नव्हता तर...

मधुरिमारेजा यांनी उमेदवारी मागे घेतल्यानंतर दम नव्हता तर उभं राहायचे नव्हत ना. मी पण दाखवली असती माझी ताकद, असे शाहू महाराजांना सतेज पाटील यांनी संतापून सुनावले.

उमेदवारी मागे का?

मधुरिमाराजे यांची उमेदवारी मागे घेण्यासाठी खासदार शाहू महाराज हे आग्रही होते. एकाच घरात दोन पद नको अशी भूमिका त्यांनी घेतल्याची माहिती आहे. तसेच माध्यमांशी बोलताना म्हणाले, नाईलाजाने मधुरिमाराजे यांना माघार घ्यावे लागली. काँग्रेसचे राजेश लाटकर हे चांगले कार्यकर्ते आहेत. त्यांनी माघार घेतली नाही. त्यामुळे कार्यकर्त्यांवर जी वेळ येत त्यामुळे आम्ही ठरवले अशा परिस्थितीमध्ये निवडणूक लढायची नाही.