Uday Samant : उदय सामंतांचा मोठा गौप्यस्फोट, 10 तासांपूर्वीच विरोधी पक्षातील मोठा नेत्याचा देवेंद्र फडणवीसांना फोन

Uday Samant News : उदय सामंतांच्या सोबत 20 आमदार असून त्यांना शिंदेपासून भाजप फोडणार असल्याचा दावा, संजय राऊत, विजय वडेट्टीवार यांनी केला होता. मात्र, या दाव्यात तथ्य नसल्याचे उदय सामंत यांनी दावोसमधून परत आल्यानंतर पुन्हा एकदा सांगित विरोधी पक्षातील मोठा नेता भाजपमध्ये जाणार असल्याचा गौप्यस्फोट त्यांनी केला.

उदय सामंत म्हणाले, माझ्यावर टीका करणाऱ्या विरोधी पक्षातील नेत्याने 10 तासांपूर्वीच मुख्यमंत्री देवेंद्र फडणवीसांना फोन केला होता. हा नेता कोण याचे नाव मी घेणार नाही. ठाकरे गटालाही खिंडार पडणार असून त्यांचे चार आमदार आणि तीन खासदार एकनाथ शिंदेसोबत येणार आहेत.

उदय सामंत यांनी उल्लेख केलेला तो विरोधी पक्षातील नेता कोण याची चर्चा सुरू झाली आहे. सामंत यांनी जी हिंट दिली आहे त्याप्रमाणे त्यांच्यावर संजय राऊत, विजय वडेट्टीवार आणि अंबादास दानवे यांनी टीका केली होती. त्यामुळे विजय वडेट्टीवार किंवा अंबादास दानवे यांनी फडणवीस यांना फोन केला का? याची चर्चा सुरू झाली आहे.

संजय राऊतांच्या मागणीला पाठींबा

शिवसेना उद्धव बाळासाहेब ठाकरे पक्षाचे खासदार संजय राऊत यांनी बाळासाहेब ठाकरे यांना भारतरत्न देण्याची मागणी केली.संजय राऊत यांच्या मागणीला उदय सामंत यांनी पाठींबा दिला आहे. सामंत म्हणाले आमचा त्यांच्या पक्षाला पाठींबा नाही मात्र बाळासाहेब ठाकरेविषयी कोणी मागणी करत असेल तर आम्ही त्याला पाठींबा देऊ.

काँग्रेसचे पाच आमदार फूटणार

ठाकरेंचा पक्ष फूटणार असून 10 माजी आमदार देखील एकनाथ शिंदे यांच्यासोबत येणार असून काँग्रेसचे पाच आमदार देखील शिवसेनेत प्रवेश करणार असल्याचे उदय सामंत म्हणाले. तसेच उद्धव ठाकरेंनी त्यांच्या पक्षातील आमदार खासदार एकनाथ शिंदेंसोबत येणार आहेत हिम्मत असेल तर त्यांना रोखून दाखव असे आवाहन देखील सामंत यांनी ठाकरेंना दिले.