Nashik Congress News : काँग्रेसने सुरू केली निवडणुकीची तयारी!

Congress News : सातत्याने वाद विवादात अडकलेल्या काँग्रेस पदाधिकाऱ्यांनी आता जुन्या जाणत्या माजी पदाधिकाऱ्यांनी पक्षकार्यात सक्रीय करण्याचा निर्णय घेतला आहे. यामाध्यमातून विधानसभा आणि लोकसभा निवडणुकीची तयारी सुरू करण्यात आल्याचा दावा पदाधिकाऱ्यांनी केला आहे. (Congress will reorganise party`s Loyal spporters for expand organisation in Nashik)

नाशिक (Nashik) शहर काँग्रेस (Congress) पदाधिकाऱ्यांना संघटनात्मक कामकाजात सक्रीय करण्यात आला आहे. यासंदर्भात लोकसभा (Elections) तसेच विधानसभा निवडणुकीची तयारी करण्यात येणार आहे.

महाराष्ट्र प्रदेश काँग्रेस कमिटीचे अध्यक्ष नाना पटोले यांच्या निर्देशानुसार आगामी लोकसभा, विधानसभा व महानगरपालिका निवडणुकीच्या तयारीच्या पार्श्वभूमीवर संघटना बांधणीला प्राधान्य देण्यात येत आहे.

आगामी निवडणुकीसाठी सांभाव्य उमेदवारांची चाचपणी करण्यासाठी सर्व ब्लॉकमध्ये बैठका घेण्यासाठी जिल्हा प्रभारी डॉ. राजू वाघमारे, शहराध्यक्ष आकाश छाजेड यांनी शहरातील पाचही ब्लॉकमध्ये प्रभारी नियुक्त केले आहेत.

काँग्रेसच्या (मध्य) प्रभारीपदी नंदकुमार कर्डक, माजी सभागृहनेते राजेंद्र बागुल (नवीन नाशिक), जेष्ठ नेते उल्हास सातभाई (पंचवटी), युवक काँग्रेसचे माजी शहराध्यक्ष संदीप शर्मा (सातपूर), आणि माजी सभागृह नेते डॉ. सुभाष देवरे (नाशिक रोड) यांची नियुक्ती करण्यात आली आहे.