AIMIM Dhule mass resignation : 'AIMIM'ला मोठा धक्का; धुळे कार्यकारिणीचा सामूहिक राजीनामा...

Dhule AIMIM resignation : लोकसभा निवडणुकीपाठोपाठ विधानसभेत महाराष्ट्रात राजकीय बॅकफूटला गेलेला 'AIMIM' पक्षाला धक्क्यावर धक्के बसू लागले आहेत.

धुळे जिल्ह्यातील शहर विधानसभा मतदारसंघाचे माजी आमदार फारुक शाह यांनी पक्ष सोडला होता. आता जिल्हा कार्यकारिणीनं सामूहिक राजीनामे दिले आहेत. पदाधिकाऱ्यांनी एकदम राजीनाम्याची भूमिका घेतल्याने खळबळ उडाली आहे.

'AIMIM' पक्षाच्या जिल्हा कार्यकारिणीने एक सोबतच पक्षाचा राजीनामा दिला. धुळे शहर कार्यकारिणीने सामूहिक राजीनामा दिल्याने पक्षात मोठी खळबळ उडाली आहे. 'AIMIM' पक्षाला मोठा धक्का बसला आहे.

'AIMIM'चे धुळे (Dhule) शहर जिल्हाध्यक्ष मुक्तार बिल्डर, महिला जिल्हाध्यक्ष डॉ. दीपश्री नाईक, शहराध्यक्ष फातिमा अन्सारी, युवा अध्यक्ष रफिक पठाण यांच्यासह अनेक कार्यकर्त्यांचा राजीनामा देण्यामध्ये समावेश आहे. राजीनामा देताना पदाधिकाऱ्यांनी पक्षश्रेष्ठींच्या दुर्लक्षपणावर खापर फोडलं आहे.

​पक्षाच्या वरिष्ठ नेत्यांकडून धुळ्यातील स्थानिक पदाधिकाऱ्यांच्या मागे ताकद उभे करण्याकडे दुर्लक्ष करत आहेत. त्याला कंटाळून हा निर्णय घेतल्याचं राजीनामा पत्रात नमूद केलं आहे. पदाधिकाऱ्यांना पक्षाकडून ताकद मिळत नसल्याने, लोकांच्या समस्यांवर काम करताना मर्यादा येतात. परिणामी स्थानिकांमध्ये पक्षश्रेष्ठींबाबत नाराजी आहे.

सर्व नाराज पदाधिकाऱ्यांनी आपले राजीनामा जिल्हाध्यक्ष नासीर पठाण यांच्याकडे सादर केले आहेत. या राजकीय घडामोडीमुळे धुळ्यात 'AIMIM'ला धक्का बसला आहे. धुळे शहर कार्यकारिणीच्या राजीनाम्यापूर्वी गेल्या महिन्यात माजी आमदार फारुक शाह यांनी पक्ष सोडला.

अजित पवार यांच्या राष्ट्रवादी काँग्रेसमध्ये फारुक शाह यांनी प्रवेश केला आहे. फारुक शाह हे मागील निवडणुकीत भाजपचे आमदार अनुप अग्रवाल यांच्याविरोधात लढले होते आणि दुसऱ्या क्रमांकाची लक्षवेधी मते घेतली होती.