Eknath Khadse Heart Attack News : एकनाथ खडसेंना हृदयविकाराचा झटका; हवाई अॅम्ब्युलन्सने हॉस्पिटलला...

Eknath Khadse Heart Attack News : राष्ट्रवादी काँग्रेसचे विधान परिषदेवरील आमदार व भाजपच्या पूर्वाश्रमीचे नेते एकनाथ खडसे यांनी हृदयविकाराचा झटका आल्याची माहिती समोर येत आहे. झटका आल्यानंतर त्यांना तातडीने स्थानिक रुग्णालयात दाखल करण्यात आले.

साम टीव्ही या वृत्तवाहिनेने यासंदर्भात वृत्त दिले आहे. ही बातमी कळताच मुख्यमंत्री एकनाथ शिंदे यांनी त्यांच्यासाठी हवाई रुग्णवाहिका (Air Ambulance) उपलब्ध व्हावी, यासाठी तातडीने प्रयत्न केले. त्यांना सायंकाली मुंबईतील रुग्णालयात नेण्यात येणार आहे. (Latest Marathi News)

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

एकनाथ खडसे यांची मुलगी कन्या रोहिणी खडसे यांचा आणि मुख्यमंत्र्यांचा संपर्क झाला आहे. या दरम्यान मुख्यमंत्र्यांनी तातडीने हवाई रुग्णवाईकेची व्यवस्था केल्याची माहिती समोर आली आहे. खडसे यांना उरचारासाठी मुंबईला दाखल करण्यात येणार असल्याची माहिती आहे.

दुपारच्यावेळी एकनाथ खडसे यांना छातीमध्ये वेदना जाणवत हाेती. त्यामुळे त्यांना हॉस्पिटलमध्ये दाखल करण्यात आले. खडसेंना सौम्य हृदयविकाराचा झटका आल्याची समजते. आता त्यांना उपचारासाठी मुंबईत दाखल करण्यात येणार आहे . मुख्यमंत्र्यांनी या संबंधित सूचना दिलेल्या आहेत. आज संध्याकाळी ७.३० वाजता खडसेंना पुढील उपचारासाठी जळगावहून मुंबईला रवाना करण्यात येणार आहे.

खडसे यांची तब्येत सध्या स्थिर आहे,आम्ही तपासणी केली काहीही काळजी करण्यासारखे नाही.त्यांनी गप्पा केल्या परंतु पुढील तपासणीसाठी मुंबई येथे नेले जात आहे. अशी माहिती जळगाव येथील डॉ.विवेक चौधरी यांनी दिली आहे.

(Edited By - Chetan Zadpe)