Girish Mahajan and Keda Aher : केदा आहेर बंडखोरी करत उमेदवारीवर ठाम, तर गिरीश महाजनांचा हिरमोड!

Assembly election 2024: भाजप नेते गिरीश महाजन दोन दिवस बंडखोरांचा बिमोड करण्यासाठी नाशिकला होते. त्यांना महाराजांची समजूत घालण्यात यश आले. मात्र बंडखोर आपल्या भूमिकेवर ठाम राहिले.

नाशिक जिल्ह्यात दोन मतदारसंघात भाजपची बंडखोरी झाली आहे. या बंडखोरांची समजूत घालण्यासाठी मंत्री महाजन नाशिकला आले होते. त्यात ते काही प्रमाणात यशस्वीही झाले नाशिक पश्चिम मतदार संघातील बंडखोरांनी आपल्या तलवारी म्यान केल्या आहेत. अन्य नाराज नेते आणि पक्षाच्या पदाधिकाऱ्यांची नाराजी दूर करण्यात मंत्री महाजन यशस्वी झाले आहेत.

त्यासाठी त्यांनी विविध बैठका घेतल्या त्यामुळे आता विधानसभा निवडणुकीच्या प्रचाराला गती येईल अशी अपेक्षा आहे. मात्र चांदवड देवळा मतदार संघातील आव्हान कायम असल्याने गिरीश महाजन यांना ठोस उपाययोजना करता आली नाही. त्यामुळे ते जळगावला परत गेले आहेत.

नाशिकहून जळगावला परत जाताना मंत्री गिरीश महाजन (Girish Mahajan) यांनी भाजपचे बंडखोर उमेदवार आणि नाफेडचे संचालक केदा आहेर यांच्याशी चर्चा केली. केदा आहेर यांना त्यांनी उमेदवारी मागे घेण्याची सूचना केली. आगामी काळात पक्षाकडून केदा आहेर यांचे पुनर्वसन केले जाईल, असे ठोस आश्वासन यावेळी त्यांनी दिले. मात्र या आश्वासनाने केदा आहेर यांचे समाधान झाले नाही.

यावेळी आहेर यांनी भाजपचे(BJP) आमदार आणि त्यांचे बंधू डॉ राहुल आहेर यांनी आपली फसवणूक केली आहे. उमेदवारी निश्चित झाल्यानंतर त्यांनी पक्षाच्या नेत्यांना केदा आहेर यांना उमेदवारी द्यावी, असे सांगून आपल्या भ्रमनिरास केला.

भारतीय जनता पक्षाने देखील 30 वर्ष पक्षासाठी काम केलेल्या एकनिष्ठ कार्यकर्त्यावर अन्याय केला आहे. या अन्यायाला उत्तर म्हणून देवळा आणि चांदवड मतदार संघातील जनतेने माझी उमेदवारी करण्याचा निर्णय घेतला आहे. चांदवड, देवळा मतदार संघात सध्या माझी उमेदवारी नसून ही उमेदवारी जनतेची आहे. त्यामुळे आपण उमेदवारी बाबत ठाम आहोत. उमेदवारी मागे घेण्याची वेळ निघून गेली आहे, असे आहेर यांनी मंत्री महाजन यांना सांगितल्याचे कळते.

मंत्री महाजन यांनी आपल्या दोन दिवसाच्या दौऱ्यात भारतीय जनता पक्षातील विधानसभा निवडणुकीच्या मतदारसंघांमध्ये यंत्रणा सक्रिय करण्यात यश मिळवले. आता नाराज पदाधिकारी देखील प्रचारायला लागले आहे. मात्र बंडखोर उमेदवार रिंगणात कायम असल्याने त्यांचा हा दौरा पूर्णतः यशस्वी झाला, अशी स्थिती नाही.

विशेषतः नाशिक पश्चिम मतदारसंघ पक्षाचे नेते दिनकर पाटील यांनी राजीनामा देऊन मनसेची उमेदवारी केली आहे. कळवण येथे भाजप नेत्याने अपक्ष उमेदवारी दाखल केली आहे. सध्या सर्वात मोठे आव्हान चांदवड देवळा मतदार संघात आहे. त्यावर आगामी काळात काय उपाय योजना केली जाते याची उत्सुकता आहे.

(Edited by - Mayur Ratnaparkhe)