Maratha Reservation: जरांगे पाटील इफेक्ट... संभाजीराजेंच्या 'स्वराज्य'ची पहिली विकेट पडली

Maratha Reservation Politics : मराठा आरक्षणाचे नवे नेतृत्व म्हणून पुढे आलेल्या मनोज जरांगे पाटील यांनी या प्रश्नावर पारंपरिक राजकीय नेत्यांपेक्षा वेगळी भूमिका घेतली आहे. त्याचा परिणाम प्रस्थापित राजकीय पक्षावर होऊ लागला आहे. त्यामुळे अनेक राजकीय नेत्यांची अडचण होऊ लागली आहे. (Swarajya party`s spokesperson Karan Gaikar resignation from post

छत्रपती संभाजीराजे (Sambhajiraje) यांच्या स्वराज्य पक्षाचे संपर्कप्रमुख, प्रवक्ते करण गायकर (Maratha) यांनी आपल्या पदाचा राजीनामा (Nashik) दिला आहे. त्यांचा राजीनामा मंजूरदेखील करण्यात आला आहे.

मराठा आरक्षणाच्या प्रश्नावर नव्याने उदयास आलेले नेतृत्व असलेले मनोज जरांगे पाटील यांची मराठा आरक्षणावरील भूमिका वेगळी आहे. मराठा समाज कुणबी आहे. त्यामुळे या समाजाला सरसकट कुणबी जातीचे प्रमाणपत्र देऊन त्यांना आरक्षण द्यावे, ही त्यांची मागणी आहे.

मराठा समाजाच्या आरक्षणाच्या मागणीविषयी सर्व पारंपरिक राजकीय पक्ष आणि प्रस्थापित नेत्यांच्या भूमिकेपेक्षा ती वेगळी आहे. सर्व राजकीय पक्ष मराठा समाजाला स्वतंत्र आरक्षण द्यावे या मताचे आहेत. मात्र, जरांगे पाटील यांची भूमिका कुणबी म्हणजेच मराठा. त्यामुळे मराठा समाजाला कुणबी म्हणून त्याचा जेवढा वाटा आहे, तेवढे आरक्षण द्यावे, ही भूमिका आहे. त्यामुळे सर्वच राजकीय पक्षांची कोंडी झाली आहे. विरोधही करता येत नाही, अन् समर्थनही करता येत नाही. अशा स्थितीत बहुतांश नेते जरांगे पाटील यांच्यापासून सुरक्षित अंतर ठेऊन आहेत.

मनोज जरांगे पाटील यांचा नुकताच नाशिक दौरा झाला. त्यात बहुतांश आमदार, नेते सहभागी झाले. मात्र, व्यासपीठावर न जाता ते श्रोत्यांत बसले होते. या सर्व कार्यक्रमात स्वराज्य पक्षाचे संपर्कप्रमुख आणि प्रवक्ते करण गायकर हे मात्र दौऱ्यात सक्रिय होते. जरांगे पाटील यांच्याबरोबर ते होते. त्यानंतर काही दिवसांतच त्यांना पक्षाच्या पदाचा राजीनामा द्यावा लागला आहे. त्यामुळे हा जरांगे पाटील यांच्या मराठा आरक्षणाचा इफेक्ट तर नाही ना?, अशी चर्चा सुरू झाली आहे.