Bazar Samiti Result : पारोळा बाजार समिती : माजी आमदार सतीश पाटलांचा आमदार चिमणराव पाटलांना धक्का

Satish Patil vs Chimanrao Patil : पारोळा बाजार समितीच्या १८ जागांसाठी झालेल्या निवडणुकीत राष्ट्रवादी काँग्रेस पक्ष व आघाडीने १५ जागा मिळवून दणदणीत विजय मिळविला आहे. हा विजय मिळवत माजी आमदार डॉ. सतीश पाटील यांनी शिवसेना (शिंदे गट) आमदार चिमणराव पाटील (Chimanrao Patil) यांना झटका दिला आहे. या निवडणुकीत आमदार चिमणराव पाटलांचे चिरंजीव विद्यमान बाजार समिती सभापती अमोल चिमणराव पाटील यांचा पराभव झाला आहे.

अटीतटीच्या लढतीत शिवसेना ठाकरे गटाचे (Shivsena) जिल्हा प्रमुख डॉ. हर्षल माने यांना ४०२ मते मिळाली असून ८६ मताधिक्याने विजयी झाले आहे. सेवा सह सर्वसामान्य गटातून माजी आमदार डॉ. सतीश पाटील (Satish Patil) यांना ४७६ मते मिळाली असून ते विजयी झाले आहेत.

ही निवडणूक दोन्ही आजी-माजी आमदारांनी प्रतिष्ठेची केली होती. दरम्यान, प्रचार करताना राष्ट्रवादी काँग्रेसचे माजी आमदार डॉ. सतीश पाटील यांनी एक प्रतिज्ञा केली होती. ते म्हणाले होते की, या निवणुकीत हरलो तर राजकीय संन्यास घेईन. आता त्यांनी ही निडवणूक जिंकली आहे.

सेवा सहकारी संस्था मतदारसंघ

सर्वसाधारण: नगराज रामभाऊ पाटील (४००), पुरुषोत्तम सीताराम पाटील (३९०), प्रकाश गुमानसिंग पाटील (३८४), बबन खंडेराव पाटील (४२८), रवींद्र रामराव पाटील (४३०), डॉ. सतीश भास्करराव पाटील (४९०), रोहन वसंतराव मोरे (४८५).

महिला राखीव: बबीता संभाजी पाटील (४२३), रेखाताई सतीश राव पाटील (४९५),

इतर मागासवर्गीय: डॉ. हर्षल मनोहर माने (४०२),

विमुक्त जाती भटक्या जमाती: सुरेश शंकर वंजारी (४४५).

ग्रामपंचायत मतदारसंघ

सर्वसाधारण: मनोराज विश्राम पाटील (३७१), सुधाकर भास्कर पाटील (३९३)

अनुसूचित जाती जमाती: लक्ष्मीबाई दिलीप रामोशी (३६१)

आर्थिक दुर्बल घटक: निंबा बाबूलाल पाटील (३५८)

व्यापारी मतदारसंघ

अनिल पुंडलिक मालपुरे (५५)

जितेंद्र मधुकर शेवाळकर (५५)

हमाल मापाडी मतदारसंघ

राजू भिका मराठे (६७)

(Edited by Sunil Dhumal)