Sunil Tatkare On Uttam Jankar : '...तर तिथं महायुतीचा आमदार निवडून येत असतो'; तटकरेंनी जानकरांना डिवचलं

Sunil Tatkare Shirdi news : "बाहेर राहून मी राजीनामा देत आहे, राजीनामा देत आहे, हा फक्त एक स्टंट आहे. जर त्यांनी राजीनामा दिल्यास तिथं महायुतीचा उमेदवार निवडून येत असतो", असं म्हणत राष्ट्रवादी काँग्रेस पक्षाचे प्रदेशाध्यक्ष तथा खासदार सुनील तटकरे यांनी आमदार उत्तमराव जानकर यांना डिवचलं.

राष्ट्रवादी काँग्रेस पार्टी(NCP) शरदचंद्र पवार पक्षाचे माळशिरसचे आमदार उत्तमराव जानकर यांनी निवडणूक आयोगाने बॅलेट पेपरवर पोटनिवडणूक घ्यावी, अशी मागणी केली आहे. त्यासाठी माझा राजीनामा घ्यावा. मी निवडणुकीला तयार आहे, अशी भूमिका घेतली आहे.

उत्तमराव जानकर(Sunil Tatkare) यांनी आपल्या आमदारकीचा 23 तारखेला केंद्रीय निवडणूक आयोगाकडे राजीनामा देणार असल्याची जाहीर भूमिका मांडली आहे. माळशिरस मतदारसंघातील धानोरच्या ग्रामस्थांनी प्रतिज्ञापत्र देत, मतदान पडताळणीची मागणी केली आहे. यातून माझ्यावर राजीनामासाठी दबाव वाढला असून केंद्रीय निवडणूक आयोगाकडे राजीनामा देत असल्याची भूमिका उत्तमराव जानकर यांनी जाहीरपणे घेतली आहे. उत्तमराव जानकर यांच्या हा भूमिकेने खळबळ उडाली आहे.

आमदार उत्तमराव जानकर(Uttam Jankar) यांच्या या जाहीर भूमिकेवर राष्ट्रवादी काँग्रेस पक्षाचे प्रदेशाध्यक्ष तथा खासदार सुनील तटकरे यांनी टोला लगावला आहे. सुनील तटकरे म्हणाले, "ते राजीनाम्याची करत असल्याची भाषा ही निव्वळ स्टंटबाजी आहे. त्यांनी राजीनामा दिल्यास तिथे महायुतीचा उमेदवार निवडून येत असतो. त्यातल्या त्यात ते ज्या यंत्रणेकडे राजीनामा देण्याची भाषा करत आहेत, त्या यंत्रणेचा राजीनामा स्वीकारण्याबाबत रोलच नाही". आमदारकीचा राजीनामा हा विधानसभा अध्यक्षांकडे द्यावा लागतो. त्यानंतर त्याची माहिती पक्षाच्या प्रदेश कार्यालयाला द्यावी लागते. त्यामुळे ही स्टंटबाजी सुरू आहे, असे सुनील तटकरे यांनी म्हटले.

लोकसभा निवडणुकीत महाविकास आघाडीला(MVA) चांगले यश मिळाले त्यावेळेस त्यांनी आमच्या कर्तृत्वावर यश मिळाल्याचा गौरव केला. विधानसभेत मात्र जनतेने त्यांना नाकारलं. त्यावर त्यांनी अपयशाचे खापर 'ईव्हीएम' मशीनवर फोडण्यास सुरू केली. हा दुटप्पीपणा योग्य नाही, असा टोला देखील सुनील तटकरे यांनी लगावला.

(Edited by - Mayur Ratnaparkhe)