राजमाता जिजाऊंचे संस्कार विसरता कामा नये!

नाशिक रोड : राजमाता ताराराणी यांनी संघर्ष करून मराठ्यांचे साम्राज्य उभे केले आहेत, त्या खऱ्या रणरागिणी होत्या. महिलांनी त्यांचा इतिहास अभ्यासून आत्मचिंतन करावे. राजमाता जिजाऊ (Rajmata Jijau) व ताराराणी (Maharani Tararani) यांचे संस्कार विसरता कामा नये, असे प्रतिपादन छत्रपती संभाजीराजे (Chhatrapati Sambhajiraje) यांनी केले.

नाशिक रोड येथे छत्रपती फाउंडेशनतर्फे छत्रपती संभाजीराजे यांची संतांच्या आणि महामानवांच्या ग्रंथांनी ग्रंथतुला आणि रणरागिनी गौरव आणि समाजगौरव पुरस्कार वितरण झाले. या वेळी ते बोलत होते.

या वेळी छत्रपती फाउंडेशनचे संस्थापक गणेश कदम, अध्यक्ष सुप्रिया कदम, शिवसेना माजी जिल्हाप्रमुख दत्ता गायकवाड, व्यापारी बँकेचे अध्यक्ष निवृत्ती अरिंगळे, माजी नगरसेवक संभाजी मोरूस्कर, अंबादास पगारे, इंडियन सेक्युरिटी प्रेस मजदूर संघाचे सरचिटणीस जगदीश गोडसे, विभागीय अधिकारी दिलीप मेणकर, उद्योजक दीपक चंदे, सुमन कदम, करण गायकर, योगेश निसाळ, शिवजन्मोत्सव समिती अध्यक्ष किशोर जाचक, बंटी भागवत, राजेश फोकणे, विक्रम कोठुळे, मंगेश मोरे, नरेश देसाई आदी उपस्थित होते.