Amravati political news : अमरावतीमधील भाजपच्या माजी खासदार नवनीत राणा यांना जीवे मारण्याची धमकी देण्याचा व्हिडिओ व्हायरल झाला आहे. तीन दिवसांपासून हा व्हिडिओ व्हायरल होत आहे. याप्रकरणी अरमवती गुन्हे शाखेच्या पथकाने एका व्यक्तीला छत्तीसगडमधून अटक केली आहे.
आमदार राणा यांनी, नवनीत यांच्या हत्येच्या कटासाठी आठ ते दहा मुस्लिम तरुणांची बैठक झाली. यानंतर धमकी देणारा व्हिडिओ व्हायरल करण्यात आला. यात इसा नावाचा व्यक्तीला अटक केल्याची माहिती दिली.
माजी खासदार नवनीत राणा यांना व्हिडिओद्वारे शिवीगाळ करून जीवे मारण्याची धमकी दिल्याचा प्रकरण समोर आलं आहे. हा व्हिडिओ वेगानं व्हायरल देखील होत आहे. यावर आमदार रवी राणा (Ravi Rana) यांनी प्रतिक्रिया दिली आहे.
रवी राणा म्हणाले, "अमरावती पोलिस (Police) दलातील शहर गुन्हे शाखेच्या पथकाने व्हिडिओतील मुख्य आरोपी इसा नावाच्या मुस्लिम तरुणाला छत्तीसगड मधून अटक केली". नवनीत राणा यांच्या हत्येचा कट रचला गेला, त्यासाठी बैठका झाल्या, यात आणखी आठ ते दहा मुस्लिम तरुणांचा समावेश आहे, असा गंभीर दावा आमदार राणा यांनी केला.
नवनीत राणा यांना धमकी देणारी मुस्लिम तरुण आहेत. नवनीत राणा यांना गलिच्छ भाषेमध्ये शिवीगाळ केली गेली. यामध्ये आठ ते दहा जण आहेत अन् ते मुस्लिम तरुण आहेत. मुस्लिम समाजाने, असं करू नये. राज्यातील कुणाही महिलेबरोबर असं केल्यास जशास तसं उत्तर दिलं जाईल. आम्ही आज कायद्याची भाषा बोलत आहे, तर घरात घुसून मारण्याची धमक आमच्यामध्ये आहे. भर चौकामध्ये कायदा-सुव्यवस्था बाजूला राहिल अन् त्याला झोडण्याचं काम युवा स्वाभिमान पार्टी करेल, असा इशारा आमदार राणा यांनी दिला.
दरम्यान, आमदार रवी राणा यांच्या युवा स्वाभिमान पक्षाच्या कार्यालयात दरवर्षी रक्षाबंधन उत्सव मोठ्या उत्साहात साजरा केला जातो. याही वर्षी लाडक्या बहिणींनी आमदार राणा यांना राखी बांधण्यासाठी कार्यालयात गर्दी केली होती. आमदार राणा यांना राखी बांधून लाडक्या बहिणींनी शुभेच्छा दिल्या.
लाडक्या बहिणींच्या लाभाची रक्कम ही दुप्पट करावी, अशी मागणी मुख्यमंत्री देवेंद्र फडणवीस यांच्याकडे आमदार रवी राणा यांनी करावी, असं झाल्यास या लाडक्या बहिणीचा आशीर्वाद सदैव देवेंद्र फडणवीस यांच्या पाठीशी राहील, अशी काहींनी प्रतिक्रिया व्यक्त केली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.